睇大家喺Ig打咗咁耐咭，終於到我嚟到長沙灣嘅呢間波希米亞風cafe🥳點擊圖片放大 Cafe位於福華街，係好易搵嘅地舖，樓高兩層，有室內外座位，裏面除咗有唔同嘅乾花同植物做裝飾，仲有唔少波希米亞風嘅心思擺設，睇得出店主花咗唔少心機佈置。呢到四圍都係打咭位，包括地下嘅千秋吊椅，同二樓嘅波希米亞梳化區，啱哂鐘意去cafe打咭嘅大家，而且仲歡迎帶寵物添！點擊圖片放大 +3 ✨香煎意式煙肉蘑菇菠菜煎蛋配酸種包 $118煙肉厚身，外層煎得略帶焦香，肉質肥瘦相間，入口油脂甘香又啖啖肉，煙肉下仲有嫩菠菜同蘑菇，食落清新，仲可以平衡返煙肉嘅肉感。酸種包多士外脆內軟，包身煙韌有彈性。太陽蛋脆邊流心，亦係加分位！點擊圖片放大 +4 ✨香煎慢煮澳洲版件板腱牛扒伴琵琶蝦 $158慢煮牛扒厚身份量足！內裡肉質粉嫩，入口滑溜juicy，邊位比較有嚼勁而且肉味濃。牛扒底下嘅南瓜蓉香甜creamy，另吸收埋牛扒嘅肉汁，的確好味。伴碟嘅仲有烤茄子同沙律菜，好fresh！蒜蓉包脆卜卜，好香口。琵琶蝦肉質彈牙，味道鮮甜👍🏻 ✨Latte $38 (跟餐半價)精美嘅金邊杯加上靚靚拉花，真係好適合打咭🥰而且跟餐只係+$19，係抵嘅！ ✨Fresh Ginger Honey Green Tea $38 (跟餐半價)店員介紹嘅呢個茶，原來係用上精選雲南茶葉再特登搵人炒茶，充滿誠意。茶味香醇，口感濃厚順滑，飲完仲可以再加熱水。
