汴京茶寮位於中環蘭桂坊嘅日式茶舍，內有各款手沖茶品，日式和菓子。點擊圖片放大 +2 裝潢走日系簡約風格，以木系傢俬為主，內有不同嘅日式飾品，充滿心思嘅配撘，環境舒適寧靜。 呢日專誠同朋友嚟試佢哋嘅和風木盒下午茶套餐$438/兩位，除咗啱哂打咭之外，味道亦都好有驚喜。 和風木盒下午茶套餐由三層木盒組成，賣相100分！啱哂打咭！點擊圖片放大 +2 內裡包括一款招牌手沖茶同七款日式甜點。 ✨靜岡手沖碾茶第一層係靜岡手沖碾茶，日式茶具精緻，碾茶茶味清爽香濃，香醇並帶有回甘。 ✨紅葉和菓子紅葉外型精美細緻，入口煙韌，內裡嘅紅荳蓉清甜軟糯。✨迷你紫薯蛋糕蛋糕軟綿綿，鬆軟有彈性。中間嘅忌廉香滑，紫薯泥充滿陣陣紫薯嘅清香，味道天然。✨Tiramisu大福大福質感柔軟，一啖放入口，咖啡香氣馬上充斥整個口腔，令人回味無窮！ ✨紅豆宇治抹茶羊羹羊羹水潤滑溜，賣相晶凝通透，除咗有抺茶嘅甘香，同時食到紅豆嘅清甜豆香，口感清爽，每口都滲透著陣陣嘅清甜香氣。✨宇治抹茶葛切葛切嘅抺茶味香濃突出，甘香清甜，口感細嫩。✨青竹芒果布丁好有特色同心思嘅甜點，芒果布丁藏喺青竹內，味道非常清新！芒果布丁甜度適中，質感Q彈，有淡淡芒果嘅清甜。 ✨抹茶紅豆白玉抹茶暖暖地，茶味濃郁，醇厚香甜，紅豆鬆化，白玉雪白，煙煙韌韌非常有口感。
