疫情底下冇咩活動，相信行山都係唔少人嘅選擇。我亦都趁聖誕假期同朋友入西貢行山，吸收下新鮮空氣，做下運動，當然順便搵好嘢食！ 點擊圖片放大 喺西貢市中心見到呢間cafe，以白色同木系為主題，簡約得嚟好吸睛！室內室外都有座位，門外仲有張長櫈可以打卡添！ 我地坐喺窗邊隔離嘅座位，有少少日光透入，感覺舒適寫意。 ✨Flat White $36 聖誕樹拉花，好有聖誕氣氛。咖啡順滑，味道不酸不澀，飲後回甘。 ✨Iced Matcha Latte $42 朋友嘅matcha latte，抹茶味香濃，奶同糖份比例適中。 ✨Corn Soup粟米濃湯 $52 冬天就係想飲碗熱辣辣嘅湯！daily soup有兩款味道，同朋友叫咗各一個share。冇諗過咁大碗，真係好抵飲！ 粟米濃湯入面啖啖粟米蓉，質感creamy，味道清甜。 ✨Clam Chowder 蛤蜊巧達 $52 非常足料嘅蜆湯，入面有大量蜆肉，仲有薯仔粒，煙肉，洋蔥，蕃茄，味道酸甜開胃。 點擊圖片放大 +4 ✨Cheese Platter芝士拼盤 $198 必叫嘅cheese platter🧀賣相100分，啱哂打咭✌🏻 芝士有三款：埃文達芝士、羊奶芝士、比爾芝士，三款口感風味各有不同。埃文達味道溫和，味道輕盈清香；比爾質感柔軟，芝士味較濃厚，羊奶芝士最濃味，質感軟溫，味道帶點羶，拎嚟搽麵包食最正！ 拌碟嘅仲有玫瑰造型嘅風乾火腿，非常有心思🥰另外有無花果、杏脯、合桃、葡萄乾等嘅清新點綴。 點擊圖片放大 ✨Portobello Mushroom Open Toast波特蘑菇 $88 底層多士厚薄適中，外皮香脆，包身帶點煙韌，波特蘑菇大隻厚肉兼多汁，配上特色手工比爾芝士松露醬，味道幽香，面層仲有大量我最鐘意嘅火箭菜。 點擊圖片放大 ✨Fig Dutch Baby Pancake $62 Dutch Baby Pancake原個鐵pan上，店員非常細心，提醒我地鐵pan好熱，叮囑我哋千祈唔好掂到辣親👍🏻Pancake蛋香濃郁，面層焦香酥脆，內裡質感綿綿略帶煙韌，加上新鮮無花果、蜜糖、雪糕，配撘完美，仲有脆脆嘅合桃增強口感，為咗呢個甜品，我一定會再嚟呀！
