星期日朝早男朋友要返公司開會,我喺附近等佢,順便搵個地方坐低慢慢歎杯咖啡☕️ 高街嗰邊多特色小店,當然要過去逛逛睇下有咩啱心水,Coffeelin門面顏色突出,行近見佢有個手繪餐牌喺門口,Panini+Coffee combo set $80,一於就入去試下! 店內走舒適休閒風,除咗咖啡,仲有自家制gelato! 天氣咁熱,我要咗個Panini Combo $80之外,再叫多個Moscato Lychee Sorbet $40消消暑🍨 🔺Hot Mocha 睇住個靚靚拉花,心情零舍開心🥰 咖啡味香醇,唔會俾朱古力味蓋過,同時又明顯飲到濃厚朱古力味道,甜度適中👍🏻點擊圖片放大 🔺Porchetta Panini Panni 烘得外層香脆,入面嘅mozzarella芝士熔至有拉絲效果!濃郁香口!入面嘅新鮮蕃茄令整體保持清新🤤點擊圖片放大 🔺Moscato Lychee 質感清爽輕身,綿密細緻,味道天然清甜,仲有細細粒荔枝粒,增強口感😋點擊圖片放大