而家中式點心放題越黎越多選擇，之前睇IG見到朋友食宮廷點心盤，造型賣相都好靚好吸引！趁假期拉埋朋友一齊黎試下呢個中式宮廷TEA SET。 名館既點心放題，除左影相打咭一流，仲好好味！下午茶點心放題時段由14：30-17：00，星期一至五$98加一，星期六/日/假期$128加一，免收茶錢。 點心放題按碟計算，唔係按件數計算。 ✨奧爾良雞翼釀糯米 冇骨雞翼裡釀入糯米，非常飽滿，食落啖啖肉。雞翼外皮香脆，入面既糯米軟腍，少少辣，非常惹味。 ✨和麻醬雞絲粉皮 和麻醬香濃，青瓜清新爽脆，粉皮煙韌彈牙，配埋脆卜卜花生，同雞絲，好開胃！ ✨鎮江水晶淆肉 淆肉不嬲係我最鐘意既上海頭盤小食，賣相晶瑩，豬皮凍同豬手肉比例均稱，肉質鮮嫩，質感彈牙，點埋鎮江醋，酸酸地，不肥不膩，十分可口。 ✨雪茄鮮蝦春卷 鮮蝦春卷既1：1雪茄造型真係幾可亂真！上枱時仲有陣陣煙霧效果，岩哂打卡！ 春卷皮脆卜卜，鮮蝦肉彈牙。 ✨京城甜脆糍粑 呢個要趁熱食，外層脆脆，裡面煙煙韌韌， 口感軟糯。 不過佢一份有五條，份量都幾多下。 ✨螞蟻上樹餃 名副其實皮薄餡靚！餃子皮晶瑩剔透，餡料飽滿，鮮蝦大大隻配上蔬菜，感覺健康。 點擊圖片放大 ✨宮廷點心盤 - 銀湖天鵝酥 - 鎮江水晶淆肉 - 泡椒魚皮絲 - 雲南涼拌貓耳朵 - 金箔紅菜頭餃 - 抹茶奶凍 - 雜果奶凍 是日最期待既宮廷點心盤出場喇！ 賣相華麗，好有特色。裡面包含7款點心，係必叫之選。如果唔係食放題，平時就咁叫一個都要$188，今次真係回哂本喇！ ✨大良鮮奶脆網卷 網皮超脆！大良鮮奶香甜，且甜度適中，食落甜而不漏。 ✨流心紫薯果 小紫薯外層酥脆，中層既紫薯蓉味道香甜，內層更加有黃金奶皇流心，帶點咸香，口感同味道同樣豐富。 ✨法式焦糖燉蛋 面層焦糖金黃香脆，燉蛋蛋味香濃，唔太甜，口感好滑。 最後值得一讚既係，呢到既裝修優雅有特色，色彩鮮明，小裝飾同擺設完美配合主題。 點擊圖片放大 +2
