依間餐廳都真係幾「隱世」下😂因為爭啲搵唔到個入口！經朋友介紹下嚟咗試依間位於中環嘅馬拉菜～💡小店位置唔多～多人嘅話都建議先訂位！☑️珍寶大蜆拼海蝦馬來西亞咖喱喇沙湯麵🍜（$142)點擊圖片放大 面頭配上大量芽菜，大蜆大隻鮮甜 隻隻都脹卜卜❤️湯頭濃郁喇沙香～香而不辣好惹味麵底係摻摻(即係米粉+麵）好掛汁👍🏻推介！☑️秘製酒香糖心蛋($42） ☑️招牌喇沙烤雞($258) 依兩道小食同主食就不過不失～🥚溏心蛋帶酒香，而且係半熟！至於烤雞🍗超大份，雞下面有大量瓜菜減低油膩感不過雞肉就略嫌有小小過熟了～💫 椰絲咖椰薄餅（$52） (⭐️必點推介！）點擊圖片放大 比較少見嘅一道甜品～估唔到相當有驚喜🥰上檯熱辣辣同超級脆，咬落去會有清脆嘅聲，好似食馬薯片咁😂薄餅本身已帶甜味，配埋咖椰醬令味道再升級🙌🏻宜家諗返起都想再食😋當日去餐廳時見到牆上展示緊帶日本色彩嘅相片同本身餐廳嘅格局有點格格不入🤨埋單時問老板先知原來店內嘅作品都係出自唔同嘅熟客 ，會定期更換。老板希望大家唔一定要突登去藝術館先睇到藝術品，餐廳都可以係展覽廳，推廣社區藝術✨----------Brick by Brick📍 中環士丹頓街21號地庫
