「得閒飲茶! 」一家人聚會好多時都會揀去飲茶~ 除咗大集團連鎖式酒樓，間中都會帶兩老試下啲特別嘢! 今次試咗位於銅鑼灣Times Square 13樓嘅「悅Yue」~ 原因係有日碌IG見到個好特別嘅「金魚餃」係出自依間中菜廳! 悅Yue門面帶高級感，坐位闊落唔會同隔離檯背貼背， 近窗位置仲有日光透入，環境都幾舒服！ 豉油皇香煎日本淮山 $148 淮山平時都係啊媽用作煲湯用，好少會就咁食 用豉油香煎嘅煮法幾有趣， 感覺有點似煎薯仔，但口感更為爽口... 帶少少咸香，個人幾喜歡！ 海中龍皇伴金魚餃 $108 點擊圖片放大 造型可愛的「金魚餃」其實就是蝦餃 非常打卡ABLE! 蝦肉大隻爽彈， 湯頭帶少少酒香＋真.蟹肉絲(不是蟹柳)，好鮮甜！ 脆皮蔥油雞(半隻）$399 點擊圖片放大 隻雞真係無可挑剔! 一上檯就被秒清🤣 蔥油味非常香，而且雞肉好嫩滑，雞皮仲好香脆！ 雞底下有個秘製醬汁，帶微甜，可以中和油膩感～ 仲有其他手工點心都幾唔錯，價錢都不算太貴～！ 最緊要係兩老好滿意，已經講定話下次要再嚟😅 悅Yue 地址：銅鑼灣勿地臣街 1 號時代廣場 13 樓 1301 號舖 ——— 食完行咗陣，又想搵個位坐低休息等食晚餐。 Times Square 11樓有由陳豪主理嘅Blooms Coffee， 聽閒由搵莊園、買豆、測試、烘焙、到出品都係由陳豪一手包辦， 知道佢閞咗唔少分店，但一次都未試過...... 今次點咗最Signature嘅Cyclops Coffee (Moses's craft)同埋Marshmellow Latte. Moses's craft $78 咖啡愛好者應該會喜歡! 提神度100%~ 偏香fruity嘅口味，酸酸甜甜帶花香 尾段會有少少蜜糖嘅感覺。 Marshmellow Latte $78 個人比較鍾情依杯! Latte上面嘅Cream混合咗棉花糖 甜甜的感覺💗 剛好可以中和返Latte嘅酸味，mix埋好易入口! 點擊圖片放大 Blooms Coffee 地址：銅鑼灣勿地臣街 1 號時代廣場食通天 11 樓 Open Area 更多分享：銅鑼灣|高質fine-dining推介!一次過品嚐16款來自世界各地的生蠔～
