聖誕新年期間好多飯局～有時真係諗飯聚地點諗到頭都痛！今次同朋友試嘅依間位於灣仔嘅西班牙菜，環境同氣氛都幾好，食物高質有新鮮感，而且座位闊落，傾偈都傾得舒服啲～飯聚地點list又可以多一間值得encore嘅餐廳！（臨近聖誕仲有小小décor，可以見到餐廳嘅小心思）點擊圖片放大 +2 唔想諗於是就直接叫二人套餐，有齊小食、餐湯、沙津、頭盤、甜品，仲可以自選兩款main course。 小食、餐湯、沙津都係一人一份~ 煙三文魚黑松露醬多士依道小食我同友人都讚不絕口，多士上咗檯一陣都仲係熱同脆身，搭配煙三文魚+拉絲芝士+黑松露醬嘅味道超夾！ 西班牙式廣島蠔蛋餅講起蛋餅自自然然地會諗起「台式」嗰種，估唔到「西班牙式」蛋餅係截然不同！用平底鑊上嘅蛋餅好打卡able，打完卡仲keep到個熱度～廣島蠔厚肉，蠔味都濃；蛋餅比起想像中嫩滑 (當然唔好expect會係炒滑蛋嗰種啦，不過本身以為咁嘅煮法會令蛋好老．．．) 南洋風叻沙大蜆意大利麵其中一道main course點了Menu中最”fusion”嘅菜色，叻沙同意大利麵竟然意外的搭！Creamy得嚟仲要好惹味～(食完都想偷師學下點整) 蜆唔算好大隻，但份量都唔少。 香烤澳洲肉眼扒伴脆薯條作為一名薯條控，佢嘅薯條我會俾8/10分，上檯放左15分鐘都保持到香脆，不過就略欠少少調味。 肉眼扒點了medium rare，切開仲見到嫩紅色，冇overcooked。肉眼扒肉味較淡，口感軟腍。唯一敗筆位係餐廳喺牛扒底墊咗一張吸油紙，切牛扒時會切埋張紙，令牛扒會沾到紙碎…如果係用木板上可能更好!點擊圖片放大 西班牙炸油條西班牙特式甜品一定要數到Churros～香脆鬆化、充滿玉柱桂味嘅Churros沾上朱古力醬，愛甜食嘅朋友一定會鐘意！ 招牌水果茶／荔枝果茶依度嘅果茶係會用火熱住，冬天keep住暖笠笠嘅感覺太正了! 水果茶唔太甜，但充滿住果香，最後我哋係飲到一滴都冇淨嘅 (笑)！ ESPUMA地址 : 灣仔皇后大道東202號QRE Plaza 25樓
