Nuts其實都幾鍾意用韓國牌子護膚化妝品，因為覺得普遍性價比都唔錯。 最近越來越多韓國新品牌打入香港市場，而VPROVE呢個牌子相信大家都係因為朴寶劍(心心眼)而認識到佢XDD 今次有機會試真啲佢嘅產品喇～ 湖水綠色簡單包裝設計都幾吸引~ VPROVE防霧霾透亮面霜 HK$250 據官方介紹就話呢支防霧霾透亮面霜有效阻隔霧霾，保護肌膚，仲有美白同埋防曬(SPF30 PA++)功效。香港近幾日空氣污染勁嚴重(嚴重到真係呼吸困難=__=) 即管就試試呢支防霧霾透亮面霜有幾work~ 一擠出嚟係cream狀，容易推開，不過黏膩感比較重，要等約5-10分鐘先冇咁痴立立。面霜仲有一陣淡香味，味道可以接受。 至於阻隔霧霾方面肉眼真係比較難得知，不過據官方吸附臨床測試，效果好似幾唔錯！美白方面就真係要用多幾次先知有冇白到～不過nuts當佢防曬咁用咗幾日，就算喺戶外全日都冇黑到，證明防曬能力是不錯的！ VPROVE葡聚糖抗敏舒緩精華液 HK$260 Nuts個人覺得呢款產品有驚喜！可能係因為香港夏天太濕太黏膩，加上nuts長期化妝出外成12個鐘以上，一落妝就經常會多咗啲暗粒，有時仲會紅咗一撻。 宜家每晚臨瞓前都用佢，第二朝起身啲粒粒平服咗小小之外，紅印亦都消失咗。再加埋平時開大冷氣瞓覺，以前起身會覺得平膚有啲乾裂，但用完佢之後就冇咗呢種感覺～皮膚好似飲飽水咁！ 更值得一讚嘅係：雖然佢係透明流質，但佢一啲都唔黏立呀！好啱nuts心水～ *受邀於Beauty.ULifestyle.com.hk 及VPROVE試用此產品
