Weekend冇野做？最近唔少人都會選擇北上消遣，去下靚Café飲下喜茶輕鬆返日～ 早兩日Nuts去完位於「老街」站嘅1234Space飲喜茶，發現附近都有最近hit到爆嘅「髒髒包」買，仲要係新鮮出爐！緊係即刻試下啦… 呢間「蜜語芝間」開業僅兩天，而小店嘅選擇唔多，暫時只有朱古力髒髒包、紫薯髒髒包、抹茶髒髒包、岩燒芝士包及各款甜甜圈。全部都係店主每日人手新鮮製造，出爐時間不定。 咁啱撞正「朱古力髒髒包」新鮮出爐，即管試下。RMB$15一個，RMB$25 兩個，價錢唔貴！ 髒髒包好鬆軟，中間層層分明。咬一啖，每一層之間嘅流心朱古力漿如岩漿流瀉，勁邪惡！個包唔會過甜/過苦，值得一讚。不過面層嘅可可粉同流心朱古力漿真係會令人食到好「髒」～ Nuts仲打包左個返香港，店主話可以放多1-2日，不過記得要放入雪櫃冷藏。試過食之前再拎出嚟放落微波爐叮30秒，一樣做得返流心效果。 「蜜語芝間」就喺老街東門最出名嘅3層美食城「東門町」一樓，下次上去飲喜茶可以順便一試。 蜜語芝間 地址：深圳市人民北路永新街南塘商業廣場C區東門町美食城一層 *想看更多內容可追蹤Nuts～ Facebook : https://www.facebook.com/daydreamingnuts Instagram : https://www.instagram.com/hazeltang/ Openrice : https://goo.gl/LF6p97
