《一個人的放空假期》2018。釜山的6日5夜 - DAY 3 西面一天遊 – 行李飄帶 / NC百貨 / 地下街 第二晚成晚都瞓得唔好, 好易醒, 所以晨早睇下街, 點知一打開, 好靚呀 *o* 落雪呀! 唔係細, 都幾大雪下架! 即刻起身出去影相啦~所以話早起的鳥兒有虫食~早起的遊子有雪睇 XD 睇完雪就悠悠閒咁去食早餐 點擊圖片放大 +8 講真, 其實出發前, 我有掙扎過到底住西面? 定住南浦架?! 最後, 因為我鐘意行街多過食野, 所以揀左南浦住; 事實上我係揀岩架!!! 第3日去西面, 其實最主要係整行李飄帶(手信必備之一), 行左一陣地下街(又唔係特別平同特別靚=_=)同NC百貨, 食左餐好豐富既午餐後, 我就返左去南浦啦! 朋友們, 如果第一次去釜山, 去好多景點, 南浦附近都有車搭去架, 例如五六島, 影島, 甘川文化村, 松島等, 都有車直到, 仲方便快捷~ 行街又多食野又有, 真係可以選揀南浦!! 推介!!!! 不過講番食完早餐後, 我就搭地鐵去左西面整行李帶啦, 要等6個鐘, 所以好多時間行左陣地下街, 再去食個超級豐富既午餐, 再去埋NC百貨, 拎完行李帶, 頭也不回咁返左去南浦放低手信, 再出南浦血拼!! 喺西面, 唯一最吸引我既係個午餐, 小菜食完仲可以添食架, 由於我唔食魚, 所以張相先冇魚啫, 正常係有多碟魚架! 一個人份量, 點食呀???! 所以唯有慢食, 慢慢咁食啦~ 晚餐喺南浦既求其搵到間, 似日本拉面館, 自己買票, 有自助吧, KIMCHI沙律任夾, 每張枱又有凍水供應, 平夾抵呀! 我食個辣雞食, 真係好辣, 食完超後悔呀, 好彩每張枱有水可以飲, 但都辣到食唔晒呀! 點擊圖片放大 +3 Facebook: https://www.facebook.com/bertha.ng Blog: https://blog.ulifestyle.com.hk/blogger/bertha/