《一個人的放空假期》2018。釜山的6日5夜 - DAY 1 今次既旅行, 其實都係比個時間沈澱自己, 回港後再出發!! 而且之前我並都冇試過去釜山玩, 所以今次我放棄左熟識既首爾, 過黎釜山望下海, 吹下風, 放空一下啦。 行程方面呢~因為冇黎過玩, 所以只係去睇啲最基本, 就算某某話“冇去過邊度邊度, 唔叫去過釜山喎”都好啦, 我冇興趣既, 都唔會迫自己去囉, 唔想因為趕行程而沖住走 :P 所以第一日紅住眼咁到左後, 去酒店放好行李, 都只係喺南浦區行下食下買下野 ^-^ 第一日行程如下: 香港 → 釜山 → 酒店 → 南浦光復路 → 睇影島升橋 → 樂天百貨 → KAKAO FRIEND CAFÉ → 豬骨湯 → U:DALLY士多啤梨冰 酒店: NAMPO TOWER HILL HOTEL 一心諗住藍天白雲架, 點知第一日就落雨, 仲要幾大下架, 今次住呢間酒店呢, 喺南浦7號出口, 出地面右邊條路直行入去, 約5分鐘左右啦, 就會到架啦~但因為落雨, 又拖住行李, 成身濕晒都唔係咁爽架咋, 下次去, 可以訂間出口行去約2分鐘既WA Hotel Nampo, 又近, 行完返去坐下再出發, 仲好呀~ 點擊圖片放大 +3 言歸正轉, 返到酒店未有得CHECK IN住, 只可放低行李, 跟住就出去搵野食啦! 韓國真係好正, 早餐只係幫襯一條紫菜卷, 都會比杯熱湯你架, 仲要唔理你坐幾耐~呢份感覺好溫暖呀, 尤其去到咁朝早時, 仲要凍冰冰既時間, 即時WARM晒 食完之後, 因持續落雨, 落機後又好攰, 所以當日只係喺南浦周圍行, 去SHOOPEN買平毛毛鞋 (真心抵!!!料靚又厚實, 之後咁多日, 全程都著住佢!!), 去KAKAO FRIEND影相XD 點擊圖片放大 +7 到中午, 係時間睇影島橋升橋, 好維護下, 果個時間停左雨, 即刻走出去影呀影, 但對手麻痺晒, 凍到冰左都堅持影埋先走, 影完後, 太凍啦, 就走左去樂天行下, 好快就一日啦, 食埋個豬骨湯, 去U:DALLY飲埋冰凍既士多啤梨冰, 跟住就返酒店Zzzzzz 點擊圖片放大 +4 Facebook: https://www.facebook.com/bertha.ng Blog: https://blog.ulifestyle.com.hk/blogger/bertha/
