早排見到有關行李飄帶既介紹, 但係喺梨泰園; 今次我去釜山, 唯有努力啲搵下釜山邊度有得整啦...(飄呀~飄! 飄呀~飄!) 其實見到呢啲行李飄帶, 就諗番10幾年前做領隊時, 已經好鍾意整自己個名喺黑色大大個既旅行袋度, 我整多頂黑色帽添 o^-^o 但果陣時唔係咁普遍, 今次見到呢條行李飄帶, 一定要整番條扣喺個喼度呀 ^U^ 終於比我喺網上搵到, 原來就喺西面老奶奶換錢店對面, 間SHOP除左幫人寄存行李, 同時有得整埋行李飄帶架! 大家可以買黎做手信之外, 仲可以幫自己個喼整番個名, 就算一(式/色)一樣, 都唔怕認錯呀 XD 都好容易搵到架, 喺地鐵西面站7號出口, 直行過左馬路再行前啲, 左手邊條巷仔入邊, 店名叫"LITTLE PLANET" *搵韓國既地點, 最方便既係下載個APP「韓巢地圖」, 超好用呀! 有晒中文名 ^口^ * 如果你幫朋友訂, 記得寫清楚啲資料呀!! 為免出錯, 可先行整份表格, 方便自己去到訂製。 點擊圖片放大 +2 至於費用, 最穩陣當然係去到CHECK清楚個價錢有冇變啦~ [ 行李飄帶價錢 ] 基本款: L (包15個字) ₩9000 M (包10個字) ₩8000 S (包10個字) ₩7000 S2 交叉 (包10個字) ₩8000 *上圖右下角為交叉款* 鎖匙扣 (包8個字) ₩8000 雙面鎖匙扣 (包8個字) ₩12000 特別費用: 基本款只包一隻顏色, 加顏色 ₩1000 一色圖案 ₩1000 多色圖案 ₩2000 多加5個字 ₩500 另加字體 ₩1000 以後去釜山, 除左買野食做手信之外, 都可以考慮埋行李飄帶呀 *^^* 希望對大家有幫助啦~BYE BYE啦 我都要諗下今次整幾條先 :P Facebook: https://www.facebook.com/bertha.ng Blog: https://blog.ulifestyle.com.hk/blogger/bertha/
