粉嶺聯和墟基本上已經食到爛哂~住係到太多年食黎食去都係果幾間 媽媽今日話開左間新既泰國菜想去試下,聯和墟都有幾間泰菜但真係好一般般 見個肚唔算好肚餓,就算難食都唔係食得多嘛~~ 聯和路地鋪 金邊粉泰國菜 晚市8點幾入面坐無虛席,就算2個人可以搭枱都等左一陣 驟眼睇野食款式都幾多樣化,不過餐牌只係得字冇圖 唔緊要~~d野唔難食就得~~ 仲有套餐可揀,不過我地鐘意單叫既餸多d 泰式刺生蝦(小)HKD68 / 5隻 一黎到…嘩…細既得果3隻咁少都收我68蚊咁貴既 食落灼先知原來都有5隻~姐係13.6一隻都合理既 蝦夠大隻同彈牙,食得出幾新鮮,個醬夠哂惹味,辣度剛剛好仲可接受 蒜片放係側邊,差D都睇唔到~~配埋食真係超正! 下次真係叫個大,但唔知多幾多隻呢~我會俾9/10分! 椰青無記錯好似係HKD28 椰青夠大夠冰凍同清甜,略嫌佢D肉太硬根本刮唔到出黎食 我會俾8/10分! 馬拉盞炒椰菜苗HKD58 第一次食椰菜苗幾爽口,炒得都幾香 略嫌佢D汁可以再濃味小小,揀椰菜苗好過揀通菜咁普通~ 我會俾7/10分! 泰式沙嗲串燒HKD12/每串(3串起) 揀左2串牛、1串豬 牛肉夠厚身而又好腍,而且夠哂juicy!!一咬落去d汁就流出黎 豬肉雖冇牛肉咁吸引但都好腍,唔錯~~ 配埋佢個汁真係一流! 我會俾8/10分! 全隻菠蘿海鮮炒飯HKD78 有2隻大大隻既青口都幾大舊臘腸都算係咁啦,入面都有幾大舊魷魚 炒飯都算幾香,肉鬆都唔手軟落左好多~2個人都食唔哂打包當聽日lunch 我會俾7/10分! 總結: 2個人食左HKD210,仲打包埋聽日既Lunch 再送4件仔椰汁糕打包拎返屋企做甜品,仲要唔收加一,門口果幾條街都可以泊車 我真係諗唔到咩理由唔返黎再食~~openrice既食評先得2個對佢地太唔公平! 草莓專頁開通喇!想關注我更多既消息?快d黎like我啦^^ www.facebook.com/BerrysTalk FB Page: *Berry's Talk* 這裡可以聯絡我: Berry1437@hotmail.com