當文歷餅店已經黎左開左幾年,但一直未試過,前排老公買左返黎(多謝老公),禮物盒設計已經好靚,成個行李箱咁(知道香港人好想去旅行,哈哈),後尾上網睇先知原來呢個設計真係環繞住環遊世界,唔同甜品化表唔同地方。 一打開我真係嘩左出聲,因為真係好cute cute ^o^ 「梳乎厘班㦸」代表日本外表真係好似一個班㦸,上面仲係「牛油」同「糖漿」,哈哈實際係好像布甸咁既慕絲蛋糕,上面既「牛油」係整Tiramisu既芝士,「糖漿」就係楓糖漿啫喱,食落口真係好滑,同埋真係有朕熱香餅咁既味,慕絲入面有楓糖香蕉蓉同一層蛋糕,口感好豐富,同埋呢個蛋糕都唔算好[漏],推薦! 「菠蘿油蛋糕」代表香港 菠蘿油代表香港,我諗都無咩人有異議,呢個「菠蘿油蛋糕」外表100分,味道都有驚喜,椰子慕絲,入面係熱情果蓉,兩者都算夾,唔算好甜,酸酸地都幾開胃,亦都因為有椰絲,所以口感都幾有層次。 除左兩個蛋糕,老公仲買左焦糖朱古力脆片球,因為我平時都幾鍾意食馬莎朱古力脆片球,老公話見當文歷餅店賣成$148,睇下同我平時馬莎買$50 一大桶有咩分別,我一聽到成150個陣個心真係嚇到離一離,因為份量好少,10幾粒咋,食落…嗯…千祈唔好買,哈哈哈哈,超超超普通,我零願買3桶馬莎朱古力脆片球。