.五武士(食於2022年10月5日）尖沙咀梳士巴利道18號K11 MUSEA MUSE Edition1樓125號舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴免治雞肉棒配日本初生蛋 ($68)除咗雞肉係手打同埋選用日本德島縣阿波尾雞之外，亦都加入咗淮山同埋雞軟骨製作，再加上初生雞蛋撈埋食，成個雞棒口感好豐富，好重蛋味又好滑👍伊比利亞豬肋肉（$48)豬肋肉肥瘦適中，咬落唔會話好柴好乾，反而係juicy有油香，有咁上下厚度，食落好有口感。串燒冬菇（$42)心血來潮想食樣蔬菜類嘅串燒😂又唔想食秋葵，青椒仔又唔好車厘茄，於是就點左冬菇。味道不過不失就係冬菇嘅味道😂👍特盛天婦羅（$368)款式每日唔同，但點都有大大條嘅蝦天婦羅，味道炸得啱啱好，熱辣辣咁好食😋黑松露和牛釜鍋飯($488)個釜鍋飯會連同個爐一齊上枱，店員提醒我地等個火熄左先開蓋撈勻😛一開鋪濃烈嘅黑松露同牛肉油脂香就撲鼻而嚟！牛肉粒份量多，米飯吸收晒啲油脂，令粒米都散發住油光，底層嘅米仲煮到有啲變飯焦，黑松露亦令個氣味再昇華👍成個鍋飯簡單講就係好睇，好香又好食。V-Punch($78)混合左菠蘿同焙茶，飲落酸酸甜甜。Momo Highball($118)Cocktail主要用whisky同埋桃調配而成，酸酸甜甜易入口又開胃。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：4/5價錢：3/5份量：3/5服務：4/5推薦度：4/5好有氣氛嘅日式餐廳，除左有鐵板燒外，亦都可以食串燒或飲酒。訂位時店員會比個當晚串燒menu比我地，入座時會耐心推介佢地嘅特色串燒，亦樂意幫我地影相👍食物質素亦都唔差，有機會嘅話，下次就試下佢地嘅鐵板燒。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：今日係肉公主生日，帶左佢嚟食呢間日式餐廳。雖然肉公主唔食生冷嘅魚生刺身，但呢到都有串燒等等嘅熱食👍坐係窗邊高枱，chill住咁享受日式串燒同生日蛋糕🥳by 腩王子🤴🏽📍尖沙咀👻肚子開門（IG)：@five_samurai💁🏻♂️💁🏻♀️our ig：@belly_go_round點擊圖片放大 +6
