. Main St. Deli (食於2022年10月2日)尖沙咀北京道8號香港朗廷酒店低層大堂⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴🦀️Crab Cake（$138）見佢係熱門所以叫黎試下。賣相雖然冇話想像中咁吸引，但係食落又幾好味😳佢地係用「煎」嘅手法處理蟹餅，沾埋啲墨西哥辣椒醬一齊食嘅話蟹肉味都存在到😉食得出係一絲絲蟹肉搓出黎🥗Chef’s Deli Salad （$178）超級多料嘅沙律！有烤牛肉、雞肉、牛舌、芝士、牛油果、雞蛋同多款式嘅蔬菜。佢跟兩款沙律醬比你沾，由於我唔太食醬所以完全冇咩記憶哩兩隻係咩醬😅😅🧀Truffle Mac N Cheese （$168）芝士味同黑松露味都超級濃，而且平衡得好好👍🏻味道相當唔錯😋送埋一小碗沙律比你，份量都幾足。🍔Monster Burger and BBQ Baby Pork Ribs（$718）我地此行目的就係為左哩個巨型漢堡包！我地order哩個漢堡包係for四人或以上share食。今次我地係六個人食，當我地以為我地哩個burger已經夠巨嘅時候，店員話我地哩個只係baby size👶🏻仲有mami🧑🏻同daddy👨🏻size…店員會好好咁原個burger上檯比你地打卡之後，先落入去廚房按人頭幫你切個burger。唔好意思個burger只係睇落巨食落冇咩料，錯！係超足料！我地六個人冇一個係可以成功食曬自己果楷🫠飽到痴線…至於Ribs，整得好入味，啲燒烤醬係另上自己沾，好容易就起到骨🦴有海量嘅薯角做配菜🫣食到你懷疑人生🍓Strawberry Shake（$80）味道較甜嘅士多啤梨奶昔。但係唔係甜到漏嘅程度，個人黎講覺得幾好飲。上面有whipped cream，攪勻一齊飲口感更加creamy。🍫Toasted Marshmallow Chocolate Shake （$88）本來想叫Rainbow Vanillna，點知個晚唔知水吧做咩，一陣話冇所需材料，一陣話個師傅唔識整😅🤷🏻♀️所以唯有叫哩個棉花糖朱古力奶昔。極度邪惡之選😈一入口就係滿滿嘅罪惡感，好濃嘅朱古力味而且都偏甜，味道相對rich。棉花糖浸耐少少會融，所以如果唔想成杯野再甜多度，建議一開波就食左個棉花糖佢🤣🍯Honey Honey（$75）比起啲milkshake，哩杯真係最light😂😂全場最清淡最冇罪惡感。係橙汁、檸檬汁、蜜糖同薑啤混合而且。但係個人覺得凍多少少會好飲啲，建議加多一兩粒冰🧊Lychee Lime Fizz（$75）荔枝蓉、青檸紙同埋湯力水打成。老老實實，味道有啲怪😅有啲似飲緊洗潔精🤢唔太建議⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3.5/5環境：3.5/5價錢：3/5份量：4/5服務：3.5/5推薦度：3.5/5如果你人夠多，其實哩間真係唔錯聚餐👍🏻佢個巨型burger真係夠曬gimmick🍔✨而且始終係美國菜，份量真係超驚人，基本上都係飽肚野又超級大份咁😂🇺🇸所以冇返4個人或以上真係好唔掂。雖然佢地都有普通size嘅burger for 1-2個人食，不過你問我佢地個味道係咪去到好驚艷又稱唔上，所以如果專程黎食burger係for味道/好食就唔係好值得🤔味道真心正正常常🙈黎食個gimmick大burger就OK😉⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記💚：今日同一班中同朋友提早食生日飯🥳見人多多終於係個機會試哩間巨型burger🤪🤪冇人反對我哩個壽星女提出嘅意見真係好感動🥹🥹最緊要有人陪我癲🤪by 肉公主👸🏻📍尖沙咀/尖東👻肚子開門（ig）：@langhamhk （朗廷酒店）💁🏻♂️💁🏻♀️our ig：@belly_go_round點擊圖片放大 +8
