.東京チカラめし(食於2022年8月21日)旺角奶路臣街17號The Forest 地下G8號舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴重量燒牛肉飯（$78)眼見到大量嘅牛肉👍牛肉係用上牛腹肉，即叫即燒食落唔鞋😛成兜飯睇落應該食得晒，但最後真係搞唔掂😵居然飽到食剩少少。整體嚟講成個牛丼，肉好食，啲汁撈飯都好正。唯獨可能汁多左少少，略嫌有啲咸，同埋搞到個飯好淋🫢溫泉玉子（$15)正常溫泉蛋，點嚟純粹係想撈落個重量燒牛肉飯到食😂芝士燒牛肉丼拼餃子3件（$58+$18)芝士微微燒過，同啲牛肉飯撈埋一齊食感覺非常滿足！聞落已經食指大動😛雖然佢冇重量燒牛肉飯嘅量咁多，但其實就咁一碗唔計埋餃子，已經好夠食。餃子方面🥟感覺就唔太話好驚喜，正常發揮，可以再煎多些少因為個皮唔算話好脆。唐揚炸雞3件（$18)同樣正常發揮嘅炸雞件，勝在夠大粒，夠熱同埋唔算話好厚粉。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：3.5/5價錢：3/5份量：5/5服務：3.5/5推薦度：3.5/5餐廳當日近茶市時候去食唔見人龍，座位闊落坐得舒服，手機落單。食物份量絕對十足，雖然味道唔會話好驚喜，但係想食牛丼嘅時候，比到預期中嘅味道👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：今日肉公主話好想食牛丼😂於是佢就以搞身份證做理由，「順便」拉左我去旺角食呢間牛丼🤭都唔知佢目的係真係想換身份證，定食牛丼，啲女人好古惑🥴by 腩王子🤴🏽📍旺角👻肚子開門：@chikarameshihongkong（ig）💁🏻♂️💁🏻♀️our ig：@belly_go_round點擊圖片放大 +4
