. Artistry Brewing Company (食於2022年7月28日)北角錦屏街43A號東發大廈地舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴Lunch Menu：A.B.C 招牌芝士漢堡包（$148）驟眼睇落平平無奇，點知我同朋友食完之後都「哇」左一聲😳出色在佢個包度，個包整到整體個口感好好，外殼微脆，內裡軟熟🤤肉餅夠厚又夠肉汁！佢冇出面專做burger果啲咁多料咁浮誇，但係靠單單幾樣簡單嘅材料都已經揮低出面好幾間嘅burger店🤫🤫😤Latte（+$28）肉公主哩位朋友基本上每一日都需要咖啡因支持佢😂所以佢求其叫左杯Latte飲。整體發揮正常，冇咩特別😌單點：Orange Strawberry Crush（$39）感覺似杯冇咁甜嘅fruit punch🤔酸酸地咁。但係果味就唔係好濃啦🫣貌似係糖漿溝出黎果種🤫紅絲絨蛋糕（$65）其實我對紅絲絨冇咩特別好，只不過佢打卡夠靚夠搶眼就叫下🤣🤣通常紅絲絨都係配白朱古力，好聖誕feel嘅蛋糕🍰我個人黎講覺得偏甜，但係朋友覺得ok可接受。提拉米蘇千層蛋糕（$65）佢地哩度出名嘅蛋糕之一。切面好明顯嘅一層層，每一層都好薄，而且係好密實，所以比起大路出面嘅千層蛋糕冇咁多cream係層與層之間，口感上冇咁creamy。可以話係佢地千層蛋糕嘅個人特色嘅🤔但係我個人更加喜好creamy口感嘅千層蛋糕🙈🙈另外提拉米蘇嘅味道建議可以再濃啲會好味啲🤏🏻⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3.5/5環境：4/5價錢：3.5/5份量：3.5/5服務：3/5推薦度：3.5/5成個環境都令人好舒服，好似個室內小花園/植物園咁，而且唔知係咪因為係外國人staff嘅關係，感覺有啲abc系嘅文青🤣🤓佢地張張檯凳都係唔同設計唔同樣，頗有特色💡同朋友係度chill下傾下計都真係一個幾唔錯嘅地方❤️係個隱世小花園🌷⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記💚：今日約左朋友去踩roller，去之前打算去間cafe食少少野墊定底。我地book左檯lunch time時間左右去，差唔多到約定時間前餐廳打電話黎問我係咪coming😂突然聽到係外國人全英文嘅電話嚇親禾🥹捉到幾個keywords就即刻「yes yes…thank you…bye👋🏻」😂😂🤣by 肉公主👸🏻📍北角👻肚子開門（ig）：@artistrybrewingcompany💁🏻♂️💁🏻♀️our ig：@belly_go_round點擊圖片放大 +7
