. 老二花廳 (食於2021年12月22日)旺角山東街80-82號2樓⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴黑松露薯條（$55）係粗身嘅薯條🍟除左比黑松露醬，仲額外係薯條面鋪多少少真黑松露同調味粉🤪所以啲薯條夠曬味。蜜糖牛油雞翼（$48）最鍾意單骨雞翼！夠曬friendly！雞翼炸到外脆內嫩，蜜糖同牛油雖然有啲邪惡，但係甜甜嘅雞翼好難唔愛🫶🏻明太子蟹子意大利粉（$118）佢地啲意粉係比較扁身同闊身啲。明太子同蟹子分量好足，鋪面仲有啲紫菜絲，係一碟和風味嘅意粉🇯🇵意大利蕃茄海鮮燴飯（$118）海鮮有青口、蝦同魷魚。個燴飯燴得夠入味夠曬蕃茄味嘅酸🤭如果佢冇左我唔鍾意嘅蕃茄仔應該會更加好🤪🤗🤫老二烤春雞配薯角（$128）有半隻春雞、炸薯角同沙律。佢薯角都係比黑松露醬，所以除非你好執著要食薯條，如果唔係我建議叫春雞可以唔洗叫黑松露薯條🙈🙈感覺有啲重複左。春雞方面，烤得皮脆肉嫩，都幾容易起肉（代表佢啲肉唔柴！）Ice Mocah（$43）（sorry唔記得影近鏡🥲🙏🏻）估唔到佢地杯凍mocah咁唔普通，會加埋cream塔同棉花糖比你🤣感覺自己賺左🤭味道就正常發揮，好易入口。特濃朱古力（$48）同mocah一樣，有個cream塔同棉花糖🤩雖然冇我地想像中咁特濃，不過都唔會話差🙈凍靜岡焙茶豆腐拿鐵（$55）唔好睇佢細細杯，最有驚喜係佢！真係有豆腐係入面！飲落就好似豆腐花咁😙不過略嫌焙茶味唔夠濃唔夠香🫣⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3.5/5環境：3.5/5價錢：4/5份量：3.5/5服務：4/5推薦度：3.5/5我係係WhatsApp訂位，佢好似有兩間分店，另一間係銅鑼灣叫「悉尼樂園」。我今次去嘅老二花廳行復古風，好似以前香港啲屋邨/唐樓屋企咁。基本上全間餐廳都係打卡位😂而且位與位之間隔得好開，唔會覺得話好逼。btw，佢地啲職員全部都好nice👍🏻⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記💚：同朋友提早慶祝佢生日🎂而且臨近聖誕想話一次過慶祝埋🤪佢只係話想食黑松露薯條，咁巧比我發現哩間有！餐廳可以打卡又坐得舒服，而且佢地兩間分店都冇設定限食時間，慢慢吹水同切蛋糕都唔怕啦🤪（切餅費$50）by 肉公主👸🏻📍旺角👻肚子開門（IG）：@loyifaateng💁🏻♀️💁🏻♂️Our IG：@belly_go_round點擊圖片放大 +8
