. ULURU (食於2022年7月7日)灣仔春園街1-11號春暉大廈1樓⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴午餐x2（配是日餐湯、麵包、茶或咖啡）餐湯和麵包（$0）印象中好似係菠菜湯🤔個湯幾濃稠。正常發揮。意式蝦肉炒黑松露意大利粉（$108）蝦肉份量都幾多。好少可見黑松露攞黎炒🤣雖然係幾得意，只不過與其話係意式，我覺得感覺更加似港式🤣🤫有啲似茶記啲炒意粉咁🫣當然啦，比茶記炒個啲少油嘅😉日式南瓜蓉煙肉配蟹柳棒燴意大利飯（$118）本身第一眼望落都唔太覺係燴意大利飯🫣有啲似星洲炒米咁🤭不過食落口比想像中好味！尤其佢個蟹柳棒煎得都幾香🦀️細妹食落第一啖已經話好味過意粉😉ULURU Rose Tea（upgrade+$28）超級大嘅紅酒杯裝住！玫瑰味都好出。不過我細妹就嫌太甜，但係對我嚟講還好，不過無可否認嘅係，飲到糖漿溝出黎嘅感覺😅Lavender Dream（upgrade+$28）細妹之選。我有時候都幾怕揀啲薰衣草味嘅野食/野飲，一個唔小心就係滿滿嘅「廁所味」😅不過好彩哩間嘅lavender還好，仲飲落幾清新。不過我細妹都係覺得偏甜。粉蝶花之丘（$88）死港女肉公主為左佢而黎！佢本身午市個menu係冇，我係另外問啲員工再問廚房話可以幫我整🫶🏻🫶🏻（加分位）由侍應端過黎我地張檯果陣已經受盡全場觸目🤩超級高同壯觀！儀式感超級強😎佢係一個透明夾雜住少少粉紅同粉藍色嘅玻璃糖，基底係布朗尼、朱古力碎同雜莓等等。食之前要敲碎塊玻璃糖再夾埋啲基底一齊食。我同細妹敲到啲玻璃糖四圍都係（真係有勞啲員工後期要幫我地打掃🙇🏻♀️🙇🏻♀️）一咬就碎嘅玻璃糖配朱古力就係甜絲絲嘅感覺🥰冇話好死甜嘅感覺。哩種口感平時食甜品好少有，都幾過癮。題外話，我同細妹都覺得我地個玻璃糖隨機拉到好似個墓碑咁🪦🫠感覺人地網上面po嘅拉都有層次啲🥲⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3.5/5環境：4/5價錢：3.5/5份量：4/5服務：4/5推薦度：4/5全間餐廳都係黑白色，比你覺得好似入左一個2D嘅世界，幾乎到到都係打卡位📷可能我地今次食午餐，覺得主食發揮正常，冇咩驚艷位，但係佢甜品都比左滿足感我地🤩上網見佢地仲有其他甜品，個個都好有特色好打到卡😉😉整體感覺比我同細妹都係開心滿意🥰🥰職員都好勤快，好樂意幫你🫶🏻⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記💚：今日一朝早我有啲事需要去一去灣仔，搞掂之後就係lunch time時間。打算趁細妹考完DSE無所事事叫佢出嚟請佢食下野🤪順便兩姊妹行下街👭🏻by 肉公主👸🏻📍灣仔👻肚子開門（IG）：@uluru.hk🙋🏻♀️🙋🏽♂️our ig：@belly_go_round點擊圖片放大 +7
