. 壹。01 (食於2022年5月18日及8月29日)觀塘駿業街56號中海日升中心2樓D號舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴熔岩蛋之戀（$39)蛋餅熱辣辣，酥酥糯糯少少脆啱啱好。芝士同火腿嘅咸香同拉絲，搭埋面頭嘅炸蒜同千島醬，惹味又好食👍邪惡蛋之戀（$39)對比熔岩蛋之戀，呢個芋泥餡就相對冇咁濃味，但芋泥打得好綿滑，似食緊豆沙嘅口感，淡淡嘅芋泥香同樣出色👍花雕雞翼（$28)正常發揮嘅花雕雞翼。雞翼肉質扎實，食到去個心都仲食到花雕酒嘅味😋蘇子青瓜手撕雞（$25)本身手撕雞可能都係食開麻醬，今次就係蘇子粉，味道幾特別，少少類似孜然嘅味道，雞肉都嫩滑，如果下次個醬稍微多返少少，應該會更有味。牛肉汁煮風琴豆腐（$12)呢個豆腐肉公主好鐘意食😛豆腐浸滿牛肉汁，食落非常juicy，建議可以撈埋佢地嘅飯食，感覺會更出色。台北夜市小食拼盤（$36)有炸花枝丸，鹽酥雞，台灣腸。份量好多居然只係賣$36😦花枝丸同鹽酥雞炸得熱辣辣又酥脆，台灣腸脆脆嘅皮仲沾有蜜糖，惹味好食👍芒果魯肉飯（$58)佢地呢到飯嘅款式好多，不過第一次嚟嘅人，相信都會對呢個芒果魯肉飯好感興趣。芒果嘅酸甜開胃，中和左咸香嘅魯肉，開頭以為好奇怪，但係食落又出奇地夾，仲要感覺芒果去左魯肉嘅油膩咁，食落「好C伏」🥹香蔥紫菜牛肉飯（$57)少少似日式牛丼飯，不過有埋菜脯同埋醃菜，同埋佢本身惹味嘅牛肉汁，不過略嫌汁多左少少🤏🏻少返啲汁，個飯乾身啲，撈埋其他嘅配料食，其實已經好夠味👍特盛辣椒大蔥排骨便當（$75)😂呢個食完之後，肉公主嫌棄左我成晚，因為真係有海量嘅大蔥，代價就係之後個口都一浸味🫣特盛除左份量大，菜脯同醃菜外，仲有少量台灣腸同兩粒鵪鶉蛋。排骨炸得酥脆，排骨表面個層炸粉唔厚，而且食落唔差👍雖然呢款飯標明話辣，但其實唔多覺😹可能大蔥嘅重味蓋過左。紫菜（$12)本身預期可能多少少紫菜撈飯食，點知原來份量咁多😹古早奶茶（中）（$15)肉公主嗌左走甜，清清嘅茶香。珍珠豆奶（大）（$20)豆味濃，唔算話好甜好膩，啱啱好。全手作芋頭鮮奶（中）（$24)芋泥本身做得綿滑細緻，配埋鮮奶好好飲，唔算好甜，有飽肚感😹黑糖鮮奶（中）（$28)搖勻後甜度啱啱好，唔會死甜，天氣熱時飲感覺好爽👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：4/5價錢：3/5份量：5/5服務：4/5推薦度：4/5餐廳唔算大，亦冇話裝修得華麗，但比人感覺一個舒服，整潔，溫馨嘅感覺。店員勤快有禮，食物質素性價比好高，相對平嘅價錢，完全唔吝嗇嘅份量。一班後生仔努力經營嘅成果，值得鼓勵同支持👏😋😛⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：呢間餐廳其實前後同肉公主食過兩次。第一次係誤打誤撞入去試下，好記得個陣點完，嘢食上枱，可能廚房較忙，肉公主個飯擺耐左，食左啖覺得有啲凍。我地同店員反映，本身純粹係想比個意見佢地，個飯我地可以照食。但店員居然二話不說，講聲唔好意思，即刻收走個飯倒左佢，然後過左陣係廚房拎個新嘅熱飯出嚟🫣咁樣反而搞到我地有啲唔好意思🥹亦因為呢個舉動，令我地對呢間餐廳印像好深刻🫡睇得出店員上下一心，都係希望比食客享用到高質嘅台灣美食🙇♂️亦因為咁，之後我地都再食多次，試埋第一次未食過嘅菜式🫃🏻🤰🏻兩次都係餓住入，抱住個肚走😂by 腩王子🤴🏽📍觀塘👻肚子開門：@1.01_ig💁🏻♂️💁🏻♀️想了解更多美食資訊可以follow我地ig：@belly_go_round點擊圖片放大 +8
