. 僕之拉麵 (食於2022年5月8日)旺角豉油街74號地舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴A特選餐濃湯（$135)叉燒1.5倍+炙叉燒+紫菜2枚+蔥+味荀+味付雞蛋呢個餐最搶眼嘅就係成個碗正中間嘅炙叉燒，選用西班牙黑豚肉，食落係有個火炙嘅味，比佢本身拉麵跟嘅薄切叉燒更出色。但唔代表本身嘅叉燒難食，啲肉係低溫烹調，脂肪比例啱啱好，食落係嫩得嚟唔油膩；湯底係豬骨濃湯，濃得嚟唔會覺得話好咸；麵底個人覺得都彈牙，正常發揮；至於個蛋我覺得好大方，比足一隻😂同樣唔差，夠溏心👍C人氣餐濃湯（$98)叉燒+紫菜4枚+粟米+蔥+味荀+味付雞蛋同上面個碗差唔多，只係少左個炙叉燒同多左啲粟米咁。牛肉可樂餅（$36)呢個係期間限定嘅小食，外脆內軟，落左少少酸酸地嘅醬汁，一個唔錯嘅小食。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3/5環境：3/5價錢：4/5份量：4/5服務：4/5推薦度：3/5餐廳環境好日式，店員好殷勤。拉麵份量多，配料都比得大方，價錢唔貴，湯底其實除左濃湯之外，仲可以揀醬油/鹽味嘅清湯，仲可以另外加錢加蝦油/蒜油/辛味醬/背脂。整體嚟講唔算話好令人驚喜，但想過下拉麵癮嘅話，呢間基本上可以比到你👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：本身今日同肉公主係想食同區嘅僕一拉麵，但母親節休息冇開，於是就意外搵到呢間差唔多名嘅做替代😹本身我地想叫期間限定，每日賣15碗嘅海老拉麵，但店員話可能會等好耐，因為未解凍，我地費事等就冇叫到了🥺by 腩王子🤴🏽📍旺角👻肚子開門：@boku_no_ramen點擊圖片放大 +5
