Oldish (食於2022年5月15日)上環東街53號地舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴Oldish Four Cheese Beef Burger（$158）估唔到一上檯都幾震撼！居然係將個芝士炸到成條裙咁👗跟住一把刀直插落個burger到🔪😳霸氣！味道方面，麵包比想像中鬆軟，四重芝士令到個burger夠曬濃味🧀塊牛肉都夠juicy。隨碟仲有沙律同薯條，薯條係粗薯條，都炸得夠脆！Thai Tom Yum Sauce Seafood Spaghetti（$168）個冬陰功味都幾濃，而且都幾辣😂夠曬惹味🌶️海鮮量都頗多，有蝦、魷魚圈、青口同蜆等等。意粉都炒得爽身。Oldish Hot Wings（$88）水牛城雞翼。發揮正常，辣辣地，一共有六隻雞翼。Oldish Tiramisu（$78）特登為左佢而黎！好似個細細個嘅小水泡咁🥰打完卡第一啖食落口先知係雪糕黎😳本身以為係傳統提拉米蘇個種慕斯口感，點知原來係雪糕口感！係幾驚喜嘅，不過又有少少失望🤏🏻感覺有種被騙食左「tiramisu味雪糕」。不過不過！都係好味嘅😌Apple Crumble（$78）哩個我同朋友都覺得味道不遜於tiramisu！甚至驚喜過佢！最面頭係雲呢拿雪糕，下面有啲熱辣辣嘅玉桂蘋果粒同餅乾！雪糕融化再撈埋一齊食，冰火交融嘅感覺真係好好味😋Pink Lemonade（$48）哩杯lemonade比平時正常果啲甜，而且有浸好濃嘅raspberry味。Hazelnut Latte（$30）叫左凍嘅🧊正常發揮，不過略嫌榛子味唔夠濃🤫⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3.5/5環境：4/5價錢：3/5份量：3/5服務：3/5推薦度：3.5/5哩間cafe地理位置有啲夾攝😅我同朋友都要行好一陣先到。由門口開始，到裏面嘅裝潢都係好英倫風格，雖然地方唔係話大，但係比人感覺幾溫馨。相信唔少人都好似我地一樣係為左佢地嘅tiramisu而黎，但提醒你地真係唔好打卡太耐，好快熔的！🤣⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記💚：今日同兩個朋友約左full day出黎玩，可惜天公不造美，本身想野餐嘅我地因為落雨天而取消，改為黎哩間cafe chill下relax下☔️by 肉公主👸🏻📍上環👻肚子開門（IG)：@oldishhk點擊圖片放大 +8
