Da Filippo Trattoria (食於2022年4月25日)尖沙咀廣東道21號海港城港威商場3樓3203-3204A號舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴DA Tasty Bites(前菜，主菜，甜品各一）($258)：Lobster Bisque 好濃嘅龍蝦湯，濃到咸左少少，不過令人驚喜嘅係入面有唔少嘅龍蝦肉👍😛Classic Lobster Tagliatelle (+$60)肉公主覺得佢個扁意粉幾得意所以叫😹外型嚟講，我覺得好似女仔綁頭髮個啲橡筋，手工意粉食落其實幾煙韌彈牙，仲要好掛汁，幾好食👍跟埋半個龍蝦尾同一個鉗。Tiramisu正常發揮，原本我地以為係杯上，點知係件裝，可能set menu會有啲唔同。不過聽聞佢哩度最出名嘅就係哩個tiramisu，然而整體正常發揮到令我地略有失望🥲可能之前太高期望😞Summer Magic (+$35)芒果味濃，仲混合左荔枝，青檸，乳酪同菠蘿汁，酸酸甜甜幾好飲👍單點：Meat Lovers Pizza ($238)我地叫左個一人set menu 驚唔夠，肉公主就建議叫多個pizza(我致肥嘅主因就係因為佢🤓）厚嘅餅皮食落柔韌，有巴馬火腿，同幾種芝士，食落雖然足料，但係味道並冇話好豐富好驚喜😅感覺似係調味差緊啲咁？🤔Semifreddo Cappuccino ($78)意大利咖啡味嘅冰糕。我成日都唔明佢同雪糕有咩分別😹但好好食，好濃咖啡味，我地兩個都覺得仲好食過個Tiramisu。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3/5環境：3/5價錢：3/5份量：3/5服務：3/5推薦度：3/5餐廳位置近中港城個邊，座位本身都闊落唔會話張枱好窄，不過座位間距較近，好彩當日閒日夜晚冇乜人，所以都坐得舒服。店員服務唔錯，食物質素還可以，然而份量較少同埋價錢唔算平。假如嚟食，最好就準備好海港城嘅個啲餐飲券。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：今晚接完肉公主收工後，去行海港城😹佢扭計話要食間有甜品嘅餐廳🤷🏻♂️跟住我上網見哩間有佢鍾意嘅tiramisu就即刻拉住佢隻手仔出發了😉（男人做事就係果斷）間野聽聞好多人排隊，估唔到我地果晚冇乜人😛by 腩王子🤴🏽📍尖沙咀👻肚子開門（IG)：@dafilippo.hk點擊圖片放大 +5
