木金餃子製作所 (食於2022年6月22日)觀塘開源道60號駱駝漆大廈三座6樓E2室⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴經典口味（湯餃：$58）係經典口味系列裡面揀2款，每款各4隻。我地揀左臭臭香荽豚肉餃同椰菜玉米豚肉餃。個人同同事都覺得食嘅四款餃子入面，臭臭香荽豚肉餃最好食🤪可能芫荽本身夠香同濃味😛椰菜表現平平，正常家常嘅味道。湯餃可以揀特濃豬骨湯或者是日濃湯，我地果日係揀左是日嘅南瓜湯🎃超級濃，就咁飲都好好味😋配餃子一齊食甜甜地，幾過癮😉特色口味（煎餃：$68）同樣係特色口味系列裡面揀2款，於是就揀左韓式泡菜豚肉餃同香辣榨菜豚肉餃。相比起湯餃，煎餃就反而冇咁有特色（仲要貴$10🥲）。餃子皮黎講湯餃可以食得出有股韌勁，煎餃就稍遜係哩個位🫣泡菜辣辣地口幾惹味；榨菜就真係完全食唔出裡面有榨菜😅唔知佢係剁到啲榨菜碎曬啊定係比錯口味我地呢🤗總之一啲爽口感覺都冇😶白桃烏龍冷泡茶（$14）幾解膩同消濟，無糖又無添加，冇負擔咁飲😉草莓西瓜薄荷冷泡茶（$14）同事之選。聽佢講話覺得麻麻地好飲，因為兩款生果溝茶冇話特別夾🤔🍉🍓⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3.5/5環境：3.5/5價錢：3/5份量：3.5/5服務：3/5推薦度：3.5/5哩間餃子店有個金壺gimmick位，所以都吸引左好多人黎食，尤其lunch time時間全院滿座兼出面好多人係度等緊🤯佢啲餃子質素同份量都算唔錯，雖然未話去到好驚艷，不過比起好多連鎖餃子店叫做有心做同多款式，同埋觀塘哩個冇咩餃子店嘅地方而言，佢都算一個特別嘅存在🥟⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記💚：見好多foodie都食過哩間，bookmark左好耐都係都遲遲搵唔到個機會試。難得今日放lunch比較得閒，於是就同同事一齊走去試下，難得我地兩個齊齊餃子癮起🤤by 肉公主👸🏻📍觀塘👻肚子開門（IG)：@papa.dumplings點擊圖片放大 +3
