捌壹壹 (食於2021年11月24日)旺角奶路臣街33號地下F號舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴（菜式辣度我地全部揀左中辣🌶️）必食冷鍋酸菜魚（$208）唔知大家知唔知咩係冷鍋，原本我都以為係食落係涼口甚至係凍嘅野，原來係熱架！所謂嘅冷鍋原來只係個「鍋」係冷🤣🤭講講個酸菜魚味道，雖然唔知係咩魚，亦都冇得選擇，但係魚肉都頗嫩滑同份量都叫多。桂花酸菜湯尚算惹味，但係個人認為可以再酸多啲啲🤏🏻裡面仲有好多木耳、萵筍同薯粉等等配料，足料！回鍋肉（$88）回鍋肉切得比較薄同瘦，所以冇左種食回鍋肉要油滋滋先夠香口嘅感覺🫣而且肉比例相對較少，反而蒜苗、青紅椒等配料佔比較多，雖然話哩啲配料都可以送飯，但係就冇咁抵咁囉🥲尖椒炒蛋（$78）反而哩個係全餐裡面最有驚喜嘅一碟餸😳🤩超級好送飯！雖然食材簡單，但係炒得有鑊氣又香。最主要係佢用嘅雞蛋似係土雞蛋，加上係炒中菜用嘅大油鍋炒出寧射惹味😋黑糖糍粑（細份：$35）熱辣辣而且都外脆內糯，沾埋啲黑糖食，甜甜地唔錯。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3.5/5環境：3/5價錢：3.5/5份量：3.5/5服務：3.5/5推薦度：3.5/5人氣酸菜魚店！除左酸菜魚，佢地仲有雞煲、打邊爐、烤魚等等一系列重口味川渝菜。店面唔算大，但係內內外外都好多人，想食嘅話最好book定位或者錯開食飯時間黎食。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：天氣凍而且想食啲重口味嘅野，於是接左腩王子收工之後，就拿拿聲拉佢去食哩間酸菜魚（趁仲係18:00左右！）。果時已經差唔多3/4場full左🤯可想而知有幾受歡迎！by 肉公主👸🏻📍旺角👻肚子開門（IG)：@811sichuancuisine點擊圖片放大 +2
