. La Vache! (食於2022年5月12日）尖沙咀赫德道12號地下⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴沙律&餐包（$0）沙律一大碟非常清新，唔會話落好油膩嘅沙律醬，反而係落醒胃嘅白醋調味🥗欣賞佢加左啲核桃碎入個沙律，添加左口感😋餐包似係法包條切出黎，外皮硬內心軟果種🥖Ribeye ($398)牛肉本身已經好有牛味，唔洗點樣點醬都好好食。叫左5成熟，真係煮到啱啱好，食落juicy又軟腍🥩牛扒本身切好晒，厚薄又適中，食落好方便，而加底下仲有個蠟燭燒緊保溫，令個牛扒食到尾都仲係暖😛👍French Fries ($0)除左牛扒外，最驚喜就係個薯條！本身諗住無限添食，應該冇乜驚喜但咁諗就錯了。。。因為真係好好食🥹熱辣辣又香脆，作為一個薯條怪，我地都添左3次，每次都係份量超多。不過肉公主就略嫌有啲鹹喔🤷🏻♂️唔識野嘅佢都😩Lemon Tart ($128)食到個扒咁上下，店員會推架甜品車嚟，問我地有冇興趣試甜品😮最後我地揀左兩個。呢個檸檬撻表面係燒過嘅蛋白霜，下層就係檸檬吉士，酸酸甜甜，最後就係牛油撻皮，大大件食落唔錯亦唔膩，不過你話係咪好驚艷又唔係😅Mille-feuille ($118)呢個點完有啲後悔，唔係佢唔好食，而係佢好大個😂基本上到尾聲時，都已經有少少夾硬食埋佢嘅感覺。拿破崙皮做得酥脆，啲忌廉又滑，係幾好食的👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：5/5價錢：4/5份量：4/5服務：5/5推薦度：5/5餐廳嘅Menu與其話比你「揀」有咩食，不如話係「通知」你食咩😂因為就只有肉眼揀，配埋無限添嘅薯條。除非你點酒或甜品，唔係嘅話Menu真係可有可無🫡 扒嚟講煮得好靚，味道亦好得，唔怪得咁有信心淨係賣一種主食。薯條同樣係超級驚喜，熱辣辣又脆超級好食🤯真係會忍唔住係咁refill🍟店員服務好，環境都好舒服，整體嚟講呢間餐廳，就算食過同埋明知佢得一種主食，我諗我遲啲都會再去👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：今日閒日放假，雖然落大雨有啲麻煩，但都無阻我同肉公主搵食嘅心😛今次去到呢間bookmark 左好耐嘅餐廳，平時聽講都好多人，不過今日就好好，去到冇人好似包場咁👍👍成餐食到超滿足🐷by 腩王子🤴🏽📍尖沙咀/尖東👻肚子開門(IG)：@lavachehk點擊圖片放大 +8
