⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴黑白芝麻蝦多士（$68)一上枱個外觀同香味已經令人好期待🤤非常濃郁嘅芝麻味。切開之後，中間就係沙律醬同蝦膠。食落好鬆化，亦都好脆口，蝦膠亦都好彈牙，份量兩個人分嚟食啱啱好唔會好濟。吐司雞（半份）（$48)非常之明智嘅係我地叫左半份😂如果唔係，應該其他嘢都會食唔晒。佢喺一件大嘅炸雞扒，搭半片厚切嘅多士，多士跟埋牛油介央同埋大麥麥芽糖漿。雖然炸雞雞皮厚粉左少少，感覺有啲硬，但整體兩樣嘢都好脆口，只係呢part扣少少分。咸同甜味嘅混合係幾特別👍馬來肉骨飯（$88)同樣係好特別嘅菜式，基本成個款就同平時西餐廳食嘅意大利燴飯一樣，只不過唔係忌廉/松露咁解，變左係肉骨茶味咁。少少甜，食唔出有藥材味，飯粒粒分明，入面都有肉粒，口感係幾好。但問題係鋪面個個煙肉片😂普通之餘，同埋都幾咸同乾，係成個飯中加落去有種莫名其妙嘅感覺。茉莉花茶鮮奶（$48)花味濃嘅鮮奶，味道正常。凍伯爵茶鮮奶（$52)同樣表現不過不失，飲得出個茶味，少少澀，唔會話好甜。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3.5/5環境：4/5價錢：3/5份量：4/5服務：3/5推薦度：3.5/5餐廳位於南豐紗廠，本身已經自帶一種藝術嘅感覺（？）😹環境好闊落，坐得好舒服，食物同服務都正常，不過佢地好似係主打手工啤，見都唔少人點嚟飲，如果再有機會食就試下佢。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️by 腩王子🤴🏽📍荃灣👻肚子開門（IG)：@thealeproject點擊圖片放大 +5
