. 十二鍋 (食於2022年2月20日)佐敦彌敦道219號莊士倫敦廣場地下4&5號舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴🍲台式麻辣鍋（$98）有牛肉、麻辣鴨血、爆汁牛丸、蟹籽丸、娃娃菜，炸枝竹，鳴門卷，冬菇，金針、蛋餃，芝士魚豆腐同蜂巢豆腐。湯底較惹味同香濃。雖然話麻辣鍋但係並唔算話好辣😂可能配合香港人口味而微調過。套餐可以揀配飯或粗粉絲，腩王子揀左配飯🍚米飯裝得好滿好實而且係珍珠米，配埋火鍋好送飯😋比起粉絲飽足感更加強。🍲一品酸辣白玉鍋（$98）有豬腩片、酸菜、麻辣鴨血、濃汁豬内丸花枝丸，娃娃菜、炸枝竹、鳴門卷、冬菇、金菇、蛋餃，芝士魚豆腐同蜂巢豆腐。個人覺得酸辣湯底唔係好夠酸同辣🙊但凡酸辣湯唔夠酸就冇左個精髓所在😢味道係比較溫和。我就揀左粗粉絲，食落都好有咬口，有少少似薯粉。假如胃口比較細建議揀粗粉絲，份量比起飯會少啲。🦑墨花臣雙色腸（$42）應該係墨汁台灣腸同原味台灣腸。中間有蒜片。啱啱炸起熱辣辣，幾好食😋🐥夜市雞皮捲（$36）同樣炸起冇耐就即刻上碟，所以食落寧捨香脆好味。雞肉嫩滑同juicy🤤不過注意會熱會辣口🙊🍋柑橘檸檬寶紅（跟餐+$7）遮係柑橘+檸檬+紅茶。清爽解膩。糖漿調配出黎，冇果肉。🧋招牌奶茶（跟餐+$7；加珍珠+$5）正常珍珠奶茶。對於一間唔係專做手搖飲品嘅餐廳黎講算係咁。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3.5/5環境：3.5/5價錢：4/5份量：4/5服務：4/5推薦度：3.5/5性價比都頗高嘅餐廳。以一人一鍋黎講哩間收費比較平。空間都比較大，坐落都舒服。而且鋪頭冇門係長期keep住通風，所以唔會話焗住一浸火鍋味。雖然餐廳整體味道較溫和，但係份量就係十分足夠，包你捧住個肚走🤣🤰🏻⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：放假天氣涼涼地又落雨，郊外活動之類去唔到。我同腩王子訓到晏一晏又冇plan要去邊，不如就去食個一人一鍋嘆下再遊下尖沙咀hea下hea下又一日啦😉We are rubbish✌🏻by 肉公主👸🏻📍佐敦👻肚子開門（IG）：@12pots.jd點擊圖片放大 +4
