. The Pantry & Chips Republic (食於2022年4月24日)旺角太子道西193號MOKO新世紀廣場4樓436-438號舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴慢煮鴨腿配窩夫，煎鵪鶉蛋&無花果肉汁（$168)點呢個主要係想懷愐下以前我同肉公主係中環IFC食嘅Duck & Waffle 餐廳（而加因為疫情，已經結業🥺）當時第一次食鴨肉窩夫，真係超級驚喜！今次呢個雖然冇以前食咁令人驚喜，不過整體嚟講都唔差。特別係佢個鴨腿，煮到皮脆肉嫩，好輕易就可以撕到啲肉落嚟起骨👍窩夫亦都好脆口！但我覺得，如果唔用鵪鶉蛋，而改用鴨蛋/雞蛋，有更多流心嘅蛋黃，同埋個汁轉做楓糖漿，應該會更好食😋安格斯牛肉肉醬意粉+溫泉蛋（$129)本身menu係跟扁意粉，不過我唔太好🫣所以就問店員可唔可以普通幼意粉，最後佢都肯幫我改👍個意粉煮得啱啱好，唔會好硬亦唔會淋，咬落煙韌。個肉醬撈埋溫泉蛋，味道豐富，有蕃茄嘅酸味之餘，個蛋令到個醬更creamy😛估唔到幾好食，真係要彈嘅話，就係份量唔算多，我同肉公主幾下就食完🫣Banoffe Creme Brulee Pancake($114)我地去呢間餐廳前就知佢多人推薦食Pancake。呢個甜品由Ricotta厚班戟，香蕉，拖肥醬，雲尼拿吉士醬同埋脆焦糖組成。有幾層嘅Pancake，中間仲有啲香蕉片，食落空氣感十足，唔會濕到似毛巾，甜度啱啱好👍好食雲尼拿Oreo曲奇奶昔（$64)本身以為係正常發揮嘅奶昔，點知又係比想像中好飲😋奶昔味道就好似溶左嘅麥旋風咁，唔會話好稀同太甜，啱啱好，仲有塊Oreo 曲奇（本身以為係完全兩塊，點知係一開二！！🥲）。本身肉公主話唔叫嘢飲，我點完佢飲左啖之後，杯嘢就變左係佢嘅嘢了😢⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：3/5價錢：4/5份量：4/5服務：4/5推薦度：4/5餐廳裝修好闊落，坐落舒服唔擠迫，店員服務好好，亦好樂意幫你。食物質素亦都唔差，如果係MOKO行街想食個飯嘅話，可以試下呢間👍唔知係咁巧定點，感覺係MOKO嘅餐廳水準普遍都唔差even係有驚喜😍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：今日難得假期，而且疫情後開返戲院。我同肉公主即刻去左睇鄧不利多的秘密，睇完直落食飯行街😋感覺非常之好，希望疫情快啲完啦～🤧by 腩王子🤴🏽📍旺角東👻肚子開門（IG）：@thepantryhk點擊圖片放大 +3
