. 辣媽川湘私房菜 (食於2021年12月2日)元朗西菁街10號好順泰大廈地下22-23及28-29號舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴香辣串串蝦（$149)佢一筒咁上，好似平時拜神嘅籤筒咁😮大概有12~13隻蝦，又係份量十足，每隻蝦都係熱辣辣，香脆惹味，啲蝦殼脆到基本上可以直接食，而且沾滿晒啲香料同辣味。不過建議呢個蝦盡快食，因為插得係筒愈耐，慢慢就會焗到變腍🫢同埋呢道餸餸酒嘅話，應該一流。重慶辣子雞（$119)對於佢地攞個鼎嚟裝，一開波已經覺得度餸好吸睛😳真係值得一讚嘅係，大盆份量多之餘，亦唔會話只係多辣椒同香料而少雞肉，基本上比例真係55😦對比出面食嘅辣子雞，咁嘅量真係算良心！雞肉食到好濃嘅味道，脆，熱，辣👍唔會話炒到超乾，佢係乾得嚟，仲食到雞肉嘅口感😋好食！湖南小炒肉（$99)類似家常小炒肉，雖然肉同辣椒比例差唔多，但係食落一啲都唔辣😅味道相對較溫和。建議少油啲會好啲🙈鐵板水晶粉（$79)本身預期佢真係會鐵板咁上，點知最後係用個碗上🙁但味道真係令我地好驚喜！混入左酸豆角同埋肉碎，開胃又惹味。睇落平凡，但味道一啲都唔平凡！好好食🤤⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：4/5價錢：4/5份量：4/5服務：3/5推薦度：4/5呢間川菜餐廳，平時食飯時間都多人排隊。坐得都舒服闊落，唔會話人多就好擠迫。店員嘅服務都好好，睇得出佢地好忙，但只要你招手，都唔會話無視你。食物質素係好好，咁嘅味道同份量，性價比真係好高。係香港難得一間出色嘅川菜館。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：因為有好幾次入元朗行，路過都見呢間長期排隊，人頭湧湧咁，於是今次專登同肉公主去試下。by 腩王子🤴🏽📍元朗👻肚子開門（IG）：@spicy_ma_ma點擊圖片放大 +3
