. 巴依餐廳 (食於2021年12月3日)西環水街43號地下⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴烤羊腿($368)本身我地就係為左呢個而嚟😹事前一定要預訂,份量極大。兩人如果淨食呢個羊腿一定飽,再加其他嘢食就會食唔晒😵💫羊肉嫩滑,用孜然粉調味,簡單但惹味。完全唔羶,外皮炸得好脆,但食落完全唔覺油膩👍👍👍非常出色,幾乎每枱都會食👅👅烤羊串($99)對比上面食嘅烤羊腿,呢個羊肉串就真係比下去了😵💫雖然佢一串有一個手臂咁長,但味道唔算話係好食,只能講係不過不失🤓性價比不高新疆手抓飯(小)($60)基本上個概念就係同海南雞個油飯差唔多😹用羊油撈勻嘅米飯,一啲甘荀同香料加個羊肉。好邪惡亦好惹味👍雖然知道好油,但食落真係唔覺有膩嘅感覺。而且抓飯一定要咀嚼多幾啖先吞落肚,因為佢係越嚼越香🤤酸辣土豆絲($58)唔係綿口嘅土豆絲,係脆口、爽口嘅口感,味道平衡,唔會太酸又唔會太辣。配料有啲青椒絲、紅椒絲同辣椒乾一齊炒。清炖羊肉湯($50)清淡溫和嘅湯。有啲白蘿蔔同羊肉,飲落好暖身👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道:3.5/5環境:4/5價錢:3.5/5份量:5/5服務:3/5推薦度:3.5/5呢間餐廳要嚟食就一定要訂位,問店員可唔可以Walk-in佢話唔做Walk-in客😧霸氣👍望住牆上面嘅年度米芝連推介掛飾,就知道間餐廳非同小可😹主力做新疆,羊肉嘅食品。羊肉全部都唔羶,而且都好嫩滑👍係香港比較少見新疆菜。不過今次係我地第一次食新疆菜,所以比較唔到佢係好食定係唔好食🤔只可以話特別係特別,但係冇話好驚艷,係一餐全羊宴🐑⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️:呢間我同肉公主都bookmark左好耐,今次終於約到時間嚟食👍當晚我地食,隔離坐左枱男女。佢地應該似係網上識,然後第一次約出嚟見面,因為見佢地啲神態都緊緊張張,介紹自己咁😂最盞鬼嘅係,到點嘢食個陣,個男仔好興奮咁話呢間餐廳佢book得好辛苦,主要食羊,好好味架咁。但個女仔殺出一句「吓?我唔食羊架wo」個男仔嘅表情:😆>😀>🙂>😯>😐。。慘,我地完全唔敢再望落去🥶(佢點解會唔做定功課先架🤯!!!???)by 腩王子🤴🏽📍西環/香港大學站點擊圖片放大 +6