老馮茶居 (食於2021年12月3日)元朗大棠路66號地舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴老馮鮮蝦餃(4隻)($28)大大粒做到皮薄餡靚,蝦肉彈牙好味👍鵪鶉蛋燒賣王($28)平時都係食開黃色皮嘅豬肉蟹籽燒賣,今次嘅鵪鶉蛋燒賣係白色皮,而入面有一隻鵪鶉蛋,冇蝦肉。個人覺得唔錯,幾好食,不過可能蒸耐左啲,鵪鶉蛋食落有啲膠😹咖喱蒸魷魚($26)不過不失嘅咖哩魷,份量有誠意😋鮮蝦腐皮卷($26)呢個出色😳脆脆嘅腐皮包住啲蝦滑,香脆口感得嚟又唔會話好油膩👍值得一試招牌牛腩腸粉($38)本身我同肉公主都諗住係好似平時叉燒腸咁,腸皮包住啲叉燒。點知原來係牛腩同齋腸一齊煮😹可能呢個點心本身就係咁,係我地少見識🙈食落好惹味,牛腩炆得好腍,啲腸都掛個腩汁,而且個份量好多,多到最後都食唔晒😵金牌叉燒包($18)叉燒肥瘦均勻,包皮又唔會話蒸太耐而變淋。食好食嘅叉燒包👍鳳爪排骨飯($35)同樣以份量取勝😹排骨係出奇地多,味道唔錯,但米飯嘅話,可以再乾身啲,唔好太濕就更好了😋⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道:4/5環境:4/5價錢:4/5份量:4/5服務:4/5推薦度:4/5一間長期有人排隊嘅酒樓😹唔算大,座位唔多,但睇得出裝潢係有花心機佈置,好有懷舊港式feel。除左有平時少見嘅傳統點心,亦有自家創嘅新款,都好好味😋⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️by 腩王子🤴🏽📍元朗👻肚子開門(IG):@oldfung_tea_house點擊圖片放大 +2