. The Salted Pig (食於2021年12月18日)沙田沙田正街18號新城市廣場一期7樓702號舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴招牌德國咸豬手($308)大大隻咸豬手😋原隻切好起埋骨上枱,要食嘅話好方便。配菜有啲酸椰菜,薯仔粒同埋甘荀條。整體嚟講都做到皮脆肉嫩,唔會話某一邊好燶咁👍腸遊世界拼盤($248)幾種大腸拼埋一齊,放眼望去就係肉,肉同埋肉😹(有幾塊3色椒,減輕少少罪惡感)佢有6種腸:德國香腸,南非香腸,斯洛文尼亞香腸,奧地利煙燻芝士腸,煙燻牛肉腸,雞肉芝士香腸。口味各異,但可以一次過體驗晒唔同嘅口味👍因為份量好多,最後都要打包返屋企食😹瘋狂香蕉雪糕新地($88)呢個甜品比較多人點,造型特別之餘亦好多料。有朱古力同雲呢拿雪糕,綿花糖,M&M,香蕉,忌廉,仲有窩夫!😋有層次,有味道又啱打卡👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道:3/5環境:4/5價錢:3/5份量:4/5服務:4/5推薦度:4/5呢間餐廳好適合一家大細,或者同埋朋友一齊嚟。食物質素好,價錢又唔算貴,性價比比較高。唔算話係最好嘅一餐廳,但如果經過,想食西餐嘅話都可以一試。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️:今日同肉公主行沙田,路過呢間留意咗好耐嘅餐廳,於是就入去試下。但好可惜嘅係嗰日嘅佢肚唔舒服,食到一半仲要走咗去廁所。於是今餐基本上有一半時間都係我自己一個喺度食😂希望隔離枱嘅人,唔會見到我係咁一個人食隻豬手而被嚇親🤪by 腩王子🤴🏽📍沙田👻肚子開門(IG):@thesaltedpighk點擊圖片放大 +3