. 土耳其小城 (食於2021年11月28日）元朗青山公路239號萬昌樓地下C號舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴立方串燒羊肉+薯條（$89)呢個羊肉香料味好重，份量多，而且燒得唔乾身，好惹味！薯條就係肉公主好鐘意嘅波紋薯條，佢基本上食唔停口😂😂地皇雞（$90)問過個店員，其實都係咖哩嘅一種。只不過香料味重啲同唔辣，雞肉入曬味又大件同juicy😋唔會話個啲醬汁只係係雞肉嘅表面，真係內外都好香口。烤餅（$10)即叫即烤，同樣係好辣手😹搣開佢點個地皇雞前都要等一等，吹一吹凍先🔥餅皮唔乾，好煙韌。異地烤羊肉卷餅（$78)入面有羊肉，蕃茄，生菜，洋蔥，沙律醬🌯再用錫紙卷到實一實，一上嚟係熱辣辣真係有啲辣手，所以要等一等先開始食👍唔知係咪個地皇雞同羊肉串太重口味，個卷餅味道相對溫和🤔表現顯得略為普通、平淡。芒果奶昔（$36)唔會過甜同好酸，解辣同油膩一流，大大杯。原味奶昔（$36)感覺似飲乳酪奶昔，酸酸甜甜咁。枱上面嘅3色醬（乳酪薄荷，蒜蓉，辣椒醬）各有各風味，基本上都係唧落個卷餅到食，個人就覺得乳酪薄荷醬，味道會好食啲👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：4/5價錢：4/5份量：4/5服務：4/5推薦度：4/5呢間餐廳據聞成日要排隊好多人，不過可能個日我地去食都比較晏，所以即刻入到去食。店員nice，亦有唔少南亞裔嘅客人（佢地係到，更加印證間嘢夠地道😎）裝修得好異地feel，五顏六色，嘢食質素都好高，真係好地道，唔會刻意改成香港人口味，份量又大。係一間值得去食嘅土耳其餐廳👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：今日嘅我地係根據肉公主個To eat list過嚟朝聖😂屯馬線落嚟行去都一段距離，不過食到咁好食嘅土耳其菜，感覺都係值得嘅！by 腩王子🤴🏽📍元朗👻肚子開門（IG）： @safranboluresturant 點擊圖片放大 +7
