. 滄浪亭 (食於2021年11月10日)紅磡蕪湖街111號蕪湖居地下C1號舖⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴嫩雞煨麵（$51)基本上嚟到嘅人都會點😋乳白色嘅湯底，其實望落係感覺有少少似稀啲忌廉湯咁。雞肉係海量嘅多，以致到食完啲麵，埋尾飲湯個陣好似食緊肉湯咁🤩湯好鮮甜，好濃嘅豆同雞肉味！份量十足，唔怪得咁多人嚟食😛啲麵有咬口，趁早食就唔會令口感變差。糖醋排骨麵（$60)+水餃4隻（+$23)呢個排骨好出色！炸得啱啱好，糖醋味濃，食落啲肉唔鞋又juicy😛係做到外面炸到乾身，入面卡有肉汁嘅感覺👍 餃子大大粒，個人平時就鐘意撈辣椒醬嚟食，但今次呢碗紅燒湯底本身都夠味，所以就可以直接食完👍獅子頭（$35)呢個一上枱就嘩左聲，大大粒嘅肉球😹夾開嚟食，醬油味香甜，肉好易夾開但唔爛，平平無奇嘅外表，居然比想像中惹味。我地就係咁一邊夾開嚟食，攞嚟送麵。肉絲春卷（$28)普普通通嘅春卷，勝在夠脆夠熱。豆漿（$8)豆漿大杯，我同肉公主都係share飲，唔算好甜👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：3/5價錢：4/5份量：4/5服務：3/5推薦度：4/5呢間餐廳比人感覺坐得有啲擠迫，人多嘅時候亦需要同人搭枱。但係食物質素好高，不論係麵食定小食都好出色，份量亦都非常之足夠。不過哩間上海麵館係黃埔/紅磡哩頭都頗有名氣，所以都幾多人黎食，基本上你食完個店員姨姨就會即刻執你張檯示意叫你快啲埋單讓檯😂所以如果想慢慢嘆嘅話哩間就唔係一個好選擇🤔而且人手有限，你落單基本上就係直接係位嗌出去，等於全場都聽到你叫咩😂😅怕醜嘅朋友就要多多注意哩點了🙈⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：見我地平日都少食上海嘢，於是乎今晚嘅我地決定入紅磡試下呢間bookmark左好耐嘅餐廳。本身諗住都係普通嘢，叫個麵就算，但攞起menu個下，又忍唔住叫多兩樣小食😹於是係個碗巨量嘅麵加持下，我地兩個基本上又係抱住個肚走🤓by 腩王子🤴🏽📍黃埔點擊圖片放大 +6
