. Dirty Skillet (食於2021年11月22日) 筲箕灣筲箕灣道393號形薈地下G12號舖 ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 🍴美食資訊🍴 🍕意大利布袋芝士、風腿、風腸、芝士薄餅（$165） 第一次食布袋芝士，本身誤以為切開之後會爆漿咁😂點知職員幫我地切開果陣冇爆漿之餘仲話已經叫濕🤣食落芝士味比較溫和，同埋唔會拉到絲🤔比較欣賞佢個pizza邊，烤得比較煙韌同脆口。 🥩Dirty牛扒16oz（$380） 落單果陣冇話想幾成熟，結果一上檯啲肉生到我地全部人都接受唔到🥲頂唔順之下叫職員幫我地煮熟多少少。可能被嚇親，食落覺得幾韌下😅咬好多啖先吞到。 🥬酥皮忌廉、芝士菠菜（$75） 哩個趁熱食會好味啲，趁啲芝士未瓊曬果陣撈埋啲菠菜一齊食👍🏻亦都比較方便攞個酥皮沾黎食🤪 🫐Blueberry Cheesecake Shake （$58） 成杯比較夢幻，打卡幾可愛。然而味道都一樣咁「夢幻」，勉強形容可以話似橡皮糖啲膠味🤣 🥭Fresh Mango Passionfruit Smoothie（$58） 攞紅酒杯呈現，感覺比較chill。可能因為攞新鮮水果關係，飲落好酸😬 🍋Fresh Mango Lime Soda（$58） 哩杯感覺襟飲好多！有一大片芒果附送埋，吸睛之餘又可以食🤩飲落比較清爽解膩。 🥠梳乎厘奄列（$115） 份量好足！大到佔左半個碟！而且蛋香味好足🍳建議兩個人以上先好叫哩個甜品😂 ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 👑評分 味道：3/5 環境：4/5 價錢：3/5 份量：4/5 服務：4/5 推薦度：3/5 以旋轉木馬做主題🎠一入去好似去左樂園咁。而且地方比較大，坐得都比較舒服😌員工切合主題都會著條工人褲，而佢地嘅服務都好好，會主動幫你fill水啊執碟啊之類。而我地預先電話book位同想要慶生畫碟服務，佢地更加會送一個識發光嘅頭箍同點好蠟燭送嚟比你🥳雖然餐廳食物同野飲嘅味道唔係話好出色，但係都叫有特色同有heart😛 ⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️ 小日記💚： 今日同舊同事慶祝生日，本來打算難得入赤柱不如係裡面食夜晚，點知本來bookmark果間冇開🥲唯有即刻打電話去哩間睇下有冇位，好彩有位之餘生日驚喜仲比想像中更驚喜🤣 by 肉公主👸🏻 📍筲箕灣 👻肚子開門（IG）：@dirtyskillethk 點擊圖片放大 +5
