. 瘋狂小面 (食於2021年11月6日) 中環士丹利街66-72號佳德商業大廈1樓⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴瘋狂缽缽雞（二人餐 $238 + 香辣乾碟$6）缽缽雞其實係四川傳統小食，將啲食材加工煮熟之後串成一串串，再浸係特製湯料嘅陶瓷缽裡面，所以食落會係涼涼地冇咁辣口。以前嘅缽缽雞主要以雞肉為主，所以先會叫「缽缽雞」。我地今次叫嘅缽缽雞係藤椒湯底，可以比你揀要凍定熱湯，怕食凍野嘅我秒揀熱湯（雖然冇咁正宗🙈）裡面有30串葷同30串素。唔好以為每串得一啖仔唔會飽，食食下都幾襟飽😂我比較重口味，鍾意點埋個香辣乾碟再食，會辣啲過癮啲🌶️瘋狂肥腸麵套餐（$93）個店名都叫crazy noodle咁當然係要黎食麵啦！我地叫左個肥腸麵另加酸菜（$8）果然好有大陸啲麻辣味道，食落就feel到比較多層次嘅辣，香料味比較重，唔係落少少辣椒油果種單一層次。建議加埋酸菜可以增加風味同比較解膩。肥腸處理都乾淨，煮得夠淋。熱羅漢果冬瓜茶（套餐已包$0）由於黎m所以叫杯熱飲🥲其實唔知係咪冬瓜本身冇咩味，直接叫佢羅漢果茶我都信😂不過唔會話好甜，感覺正氣健康😎成都老冰粉（套餐已包$0）冰粉係川渝一帶出名嘅甜品，腩王子好鍾意食，但係我就一般般😅碗上面有提子乾，芝麻，花生，糯米，山渣。食落口感似啫哩，有少少酒味，甜甜地咁，食完辣嘢降溫一流👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：4/5價錢：3/5份量：4/5服務：3/5推薦度：4/5一間主打傳統重慶小麵嘅四川菜館。由裝潢到菜品都貫徹中國風。地方坐得都闊落，唔會好逼。味道都食得出正宗👍🏻不過可能因為坐立係中環所以價錢略嫌有點貴🥲一碗麵連野飲已經要$83仲要未連加一🤨不過佢味道係ok的，而且香港並唔多哩類專做重慶小麵嘅食店，開哩個價可能都叫合情合理🤔就好似食一碗拉麵都差唔多價仲要未連野飲。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️小日記❤️：今日係星期六，返半日工就收工✌🏻腩王子放假所以索性黎中環接我收工順便食埋晏晝🥰哩間瘋狂小麵想試好耐但係離我公司唔近所以冇機會試，今次就啱曬拉埋腩王子去試🤪🤩by 肉公主👸🏻📍中環👻肚子開門（IG）：@crazynoodles.hk點擊圖片放大 +3
