12項大家中咗幾多項？(測驗結果看最下喔！) 1.吃雞連皮、吃肉不挑走脂肪 雞連皮吃才好吃嘛！羊架要多肥先好食！So...?我決定要催眠自己=> 人要有肚仔先得意㗎！ 2.係咁食零食 桌子上總有一堆零食Standby，本身唔想食咁多，結果望吓食一粒、望吓又食一粒。 食吓食吓就慣咗日日都食吓食吓。 3.上磅恐懼 人總是不願意接受現實，特別係暴飲暴食後。我希望一直記得對上一次磅係4Xkg而唔係5xkg，為咗keep住我個Record我決定永遠都唔update >0<Y 4.長時間坐着 我都唔想坐咁耐，事實上我想落街跑個圈，係老細迫我㗎咋T^T 5.間唔中/經常飲酒 啤酒肚就是這樣練成的啊！ 6.食嘢速度超快 食慢d就無咁易唔知飽食大咗啦！香港人係做乜都快，我知道唔太健康， 不過我真係改唔到。 7.唔做運動 其實我都知道做運動會身體好，但唔知我隻腳係咪生左根，真係郁唔到。>< 8.最憎瘦過自己嘅人講呢d 如果你明知自己瘦過我，又要同我講你好肥、你好大腩，你究竟想我點應你？ a.我仲肥啦~ b.我仲大腩啦~ c.減肥啦˜ d.我係你就切腹啦！e.你好瘦啊！ 我一定比唔到你我都滿意嘅答案你，唔係話你就話自己，所以希望你唔好問我啦。 9.只着低腰褲 我一直以為係我錯覺，直至後來我發現肚仔係沿住低腰褲褲邊生長的。 可惜發現的時候，肚仔已經練成了。。。 10.好飽照食 「好飽啊！不如食甜品！」係我成日聽到嘅對白。雖然聽上來不合理，不過似乎只要是好吃的，我哋就可以多幾個胃。 11.我呀媽都有肚仔 唔係講笑，遺傳真係關事！只係唔知關邊一代嘅事。 12.有食宵夜習慣 你懂的，不解釋。 ---------------------------------------------------------- 肚仔指數測驗結果 : 0分 不正常人類 / 肚仔指數：☆☆☆☆☆ 你太健康了！令我覺得你很不健康！偶然放縱一下啦！ 1-3分 哈你老實！消失的肚仔型！/ 肚仔指數：★☆☆☆☆ 你最大的困擾是想胖也胖不來吧？ 4-5分 完美配搭！輕量小肚子型！/ 肚仔指數：★★☆☆☆ Ok la˜近年的男女都說喜歡微胖的。 6-7分 肚仔人一個/ 肚仔指數：★★★☆☆ Hi!Buddy˜你係我同鄉喎˜交個朋友！！ 8-9分 少少苦楚等於激勵?就快爆肚型！/ 肚仔指數：★★★★☆ 肚仔只係一條曲線，Fashion 嘅嘢你識條鐵？ 10-12分 OMG!!! 肚仔王再世！型！/ 肚仔指數：★★★★★ 殿下，你不要再裝了！你百份百就是肚仔王吧？ P.S. 以上測驗只是肚仔人經驗之談，並無科學根據。希望大家喜歡！ Facebook: http://www.facebook.com/bellybei
