點擊圖片放大 L’Envol米芝蓮一星餐廳,食物擺盤富藝術感,未食已經先滿足視覺享受。環境及服務更加一流。每一道菜都會先介紹,食物質素有水準,不過價錢進取(確實有d貴),一試無妨。 由於疫情關係,印有餐廳名的口罩套,每人派一個,非常貼心。 中午餐單為三道菜設計,選四或五道菜是在前菜及甜品多選一兩道而已。 餐前小食 🌟麵包配champagne牛油🌟新鮮焗起酸麵包,個人認為偏酸,吾岩我口味。香檳牛油幾特別。 🌟法國蟶子配魚子醬忌廉🌟L’Envol的魚子醬菜式一直有口碑,呢個蟶子菜式,蟶子肉配上魚子醬,呢一道前菜,食得有d奢侈。 🌟法國鴨肝配黑線魚清湯及油封栗子🌟鴨肝入口creamy,個湯好清甜。 🌟燒諾曼第帶子日本大根及海鮮帶子醬汁🌟個人認為呢道菜無驚喜,帶子普通左d,日本大根夠入味,海鮮帶子醬汁用帶子裙邊煮成,食到粒粒裙邊有口感。 🌟野生派克魚日本舞茸及黃酒汁🌟 🌟新鮮無花果做的甜品(本身配黑醋雪葩,更左海鹽榛子雪糕)🌟無花果上面配忌廉,無花果甜甜的,食到好flesh。海鹽榛子雪糕係我至愛口味之一。 🌟朱古力忌廉,脆皮薄餅,煙燻核桃雪糕🌟脆皮做得好薄配,整體味道配合得好好。 餐茶點了咖啡,伯爵茶。 Petits Four一大架餐車任選,種類好多,例如有黑朱古力,酒心朱古力,果仁朱古力,糖果,香蕉泡芙,小蛋糕等等。滿足了貪吃的我。差不多每樣都有試。今餐食得好飽,好滿足。仲送一張酒店住宿半價卷,14日內使用。正好安排一個staycation。