米芝連餐廳,中國風裝修,環境優雅,餐具精緻。今日就同媽咪來試試午市點心。其實我本人都好中意飲茶食點心,細細件,可以食多幾款。點擊圖片放大 點心餐牌。 餐前小食是蜜糖合桃,甜甜地又脆脆地,好好味,我食吾停口。岩哂中意食甜既我。 三色寶盒三文魚籽帶子餃,松茸鱈魚餃,燕液蟹肉餃。呢個就普普通通,勝在好精緻 脆香芝麻蝦多士。同樣炸到脆卜卜,蝦又夠彈牙,吾會太油膩。 xo醬炒蘿白糕。對我來說,有d辣,但幾好食,好香蘿白糕味。 香宮鮑魚雞粒酥。鮑魚粒好彈牙,夠入味,酥皮做得好出色,好鬆脆。 百花釀蟹全鉗。呢個反而有d失望,蟹味,醬汁都比較淡。 奶黃煎堆仔。流心奶黃,煎堆仔外脆內軟。 鳳梨酥。好精緻,一個個迷你鳳梨。同樣酥皮做好鬆脆,咬落有口感,鳳梨微酸,好食。🌟匯豐信用卡💳85折🌟香宮@九龍香格里拉大酒店尖沙咀東部麼地道64號九龍香格里拉大酒店