成日話比蝨咬，你知唔知咩係蝨先！？ 香港常見嘅蝨有兩種，一種係跳蚤，另一種係木蝨。 先講跳蚤（讀：早），佢地係一種善於跳躍嘅寄居性昆蟲，以吸血為主，一般吸完血後可以2至3年都唔食野。佢地會透過震動﹑體溫同二氧化碳尋找宿主，通常係喺地毯﹑寵物同草叢搵到。其實肉眼係好難見到佢地，不過你會感受到佢地跳躍嘅動作，比佢地咬完都唔會見到佢地，一般嚟講咬痕亦會較快消退。至於對付佢地亦較容易，好多時用煙霧滅蚤蛋就得啦。 相反，木蝨就較難處理，可以用惡夢嚟形容。佢地稱為木蝨，係因為佢地一般會黏附喺木嘅附近，而唔係喺木上生長。因為大多數嘅床都係用木造，所以佢地亦有另一個名稱叫做床蝨。由於殺死佢地嘅時候，佢地又會因為吸完血而發出臭味，所以又會叫佢地做臭蟲。木蝨唔似跳蚤，佢地唔識跳，移動方式主要係爬行，一般係床﹑梳化﹑窗簾布或者喺牆紙搵到，因為呢啲地方提供咗好多裂縫位比佢地躲藏。而佢地入屋嘅原因，主要係由外來地方帶入屋，例如去完旅行又或者親戚朋友嘅行李，都提供良好嘅地方比佢地跟我地入屋。 木蝨咬你嘅時候，佢地會釋出麻醉毒素，令大家感受唔到吸血。食到飽曬，再慢慢爬走，到我地過左一段時間先會痕到醒，結果無教好訓，咬痕要成個月先會散！亦因為佢地爬走嘅時候，有機會比我地改變睡姿而壓死，所以亦有機會係床單上面發現血跡。謹記，用煙霧滅蚤蛋係殺佢地唔死架！因為煙霧滅蚤蛋係殺跳蚤而唔係木蝨，亂咁會仲有搞到佢地通屋都係，所以要小心呀！ 都係個句，去完旅行返到屋企要即刻沖洗衣物，亦要保持個人清潔，如果唔係真係極大嘅精神刺激呀！ Instagram(口語)► www.instagram.com/Beginneros Facebook (書面語)► www.facebook.com/Beginneros YouTube (免費教學片段)► goo.gl/qMsbx6 網站 ► http://www.beginneros.com
