而家有好多年輕人讀完中三之後輟學，當中其實有好多原因：家庭、金錢、朋友⋯自己。就算原因有幾慘，但係都離不開願唔願意去面對，係佢哋眼中，所有人都睇佢地唔起，唔願意相信佢哋，覺得佢哋一盤散沙，係垃圾，但其實有冇諗過呢種諗法自己都覺得係⋯好明顯其實自己都認為自己好失敗，但又唔知自己可以點做，唯一令自己好過啲嘅方法就係活得開心，只要呢一刻有一絲機會令到自己開心，就算係返社會嘅行為都願意去做。有句說話，時間證明一切，當時幾日到人總會醒覺，你會開始思考自己嘅未來，自己嘅生活，當你需要為自己附上責任嘅時候，當你有想做嘅嘢：想擁有一段愛情、想擁有財富、希望完成自己嘅小夢想，你就會開始慢慢步入你所行嘅路。活動中尋找自己，我覺得係一個唔錯嘅選擇，輕輕鬆鬆同一班人玩遊戲，喺遊戲當中實踐自己嘅能力，尋找當中自己能夠做到嘅嘢，從而可以由強項作為出發點，踏出人生嘅第一步。例如：遊戲當中覺得自己係一個服從者，善於聆聽別人嘅想法然後去實踐，將呢種元素加入自己興趣，可以喺設計師、活動策劃、婚姻顧問、調解員或者係寵物美容師，只要搵到自己嘅優點同埋興趣就可以去親身嘗試，實踐一下自己係咪真係鍾意，假如唔係自己想要嘅嘢，你亦會開始了解多咗自己想要啲咩，從而一步一步咁去了解自己，越行越清楚自己想要咩。假如係希望可以幫到自己搵到未來目標方向，可以嘗試首先搵到自己嘅優點同埋興趣作為元素，在思考有啲咩工作包含咗呢兩種元素，然後親身嘗試實踐一下，係咪自己心目中鍾意嘅嘢。http://littlebeefung.blogspot.com/2022/12/blog-post.html
