有時放假都想偷下懶唔想化妝出街, 不過知道自己並非天生麗質, 所以總會修飾下才出街! 平時我會用BB Cream, 貪佢可以極速均勻膚色之餘, 又可以扺抗令皮膚衰老嘅紫外線, 仲有保養同修護功效。但踏入夏天就真係唔多想用, 可能因為我係混合性肌膚, T字位容易出油, 而BB Cream偏向「杰」身又太潤, 所以有時夏天使用會有機會生粒粒… 幸好依家出現升級版嘅CC Cream, 除左擁有BB Cream嘅優點 (集底霜、防曬、保濕於一身) 外, CC Cream更能從肌膚的根本去修正膚色, 調整出最自然的色調, 營造出似有若無的透薄妝感。雖然, CC Cream遮瑕度稍遜BB Cream, 質地卻非常水潤、透薄、易推, 而且全面塗上一層CC Cream後其實可在瑕疵處再輕塗多一點點, 同樣能達致修飾效果。 試問今個夏天, MISSHA色彩調控 CC B.B Cream怎會不成為大家嘅新寵!? 唔知大家係咪仲為左揀選“用唔用”又或者 “用邊隻”品牌嘅BB Cream而傷腦筋? 但我想話俾大家知依家已經有好多品牌推出左CC Cream, 其實早前BeautySearch已心大心細search緊買邊隻品牌嘅CC Cream好, 點知就係呢個時候好好彩得到iTrial by Fashion & Beauty送出嘅MISSHA Complexion Coordinating B.B Cream SPF 43/PA+++ (色彩調控 CC B.B Cream), 真係好開心! 而且我一向用開MISSHA BB Cream, 可以試佢嘅新品, 當然特別興奮! 今次試用嘅MISSHA色彩調控 CC B.B Cream包裝用左珍珠白配金色, 感覺好Grand! 打開樽蓋, 仲有驚喜, 因為使用時需拎一拎樽身才可使用, 設計特別又有趣! 其實, 平日返工已經要化妝, 所以有時放假都唔想化全妝, 好讓臉部肌膚可以休息下, 但由於我嘅臉部膚色唔太均勻, 仲有好深嘅黑眼圈同雀斑, 因而總不能O化妝便落街嚇人… (希望這張臉不會嚇親大家) 總需要修飾一下! 而MISSHA CC B.B Cream蘊含多種天然成份能高效美白、溫和舒緩、深層保濕和緊緻肌膚的 4 重修護功效, 讓肌膚能零負擔地展現完美裸妝!融合高效散射光粉及肌膚包覆粉末能全面覆蓋瑕疵達至無瑕柔焦效果, 雙重調整膚色達至內外修正、亮澤美肌的效果。 平日, 我會用MISSHA的濕粉掃上BB Cream, 所以, 今次我都用佢黎上CC B.B Cream, 不過, 當上CC B.B Cream的一剎那, 我真的非常驚訝… 點解會咁白嘅!? 不過, 慢慢掃勻全面時, 發覺CC B.B Cream嘅顏色會漸漸轉為白裡透紅嘅粉嫩感覺, 真神奇! 難怪稱為「色彩調控」… 雖然遮瑕度沒有用開的BB Cream那麼高, 但質地輕盈透薄, 上妝後, 我倒覺得呢支CC B.B Cream把我肌膚調整出最自然的色調, 營造似有若無的感覺! 不得不再說一次, 「真神奇!」 ✿Missha Website: http://missha.com.hk/v6/ ✿Wellcome to my Beauty World @ Facebook: https://www.facebook.com/BeautySearchBook