曾幾何時,去斑斑係用什麼 c6/c8 呢啲療程呀! 係過來人嘅 beautyisQueen 亦對呢啲 laser去斑嘅功效深信不疑,但就真係要睇用嘅能量足唔足夠。 但係原來什麼 c6/c8 已經過時,而家用嘅係 Pico 機! 所以呢日就嚟到 You Beauty 體驗一下佢哋嘅 Discovery Pico 機。 唔知點解本來會覺得會係好似美容院咁,可能通常做醫學美容嘅名都會有『medical』 呢個字。 當日去到見到環境都好整齊,簡潔,會似返做專業醫學美容嘅地方,而唔係美容院果啲。 今次想試 Discovery PICO 皮秒冰川透肌療程係因為啲斑斑都鬼鬼祟祟咁浮現,同埋膚色都有啲唔均勻。 而且 PICO 都出咗一排,身為 blogger 嘅 beautyisQueen 仲未有機會試,所以點都要應邀試下! 上網做咗少少資料搜集,睇下 PICO 同之前果啲 c6/c8 有咩唔同。 簡單啲嚟講,beautyisQueen 之前做嘅 c6 激光係會深入真皮層,靠熱能令細胞膨脹分解。 但能量高會出現起砂、結焦等! 以我嘅經驗,狠狠打,斑斑位起哂砂,down-time 要兩星期! (我嘅 recovery time比較慢) 聽講亦有機會反白/反黑!! 但如果調低咗能量,袪斑功效又會減低。 PICO 就唔係靠熱能嘅,皮秒激光係會超快咁直接將色斑打碎再被身體吸收,反黑機會較低! 皮秒激光同 c6/c8 果啲一樣,都會有嫩膚效果,毛孔細啲,面毛會白咗。 哈~~ 皮秒係比納秒快 1000 倍嘅時間單位,可以喺短時間內發出高能量,受熱感覺同埋治療次數會較納秒激光少。 Discovery PICO 呢部機係有美國 FDA 及歐盟 CE 認可,會有保證同安全! 但當然都要視乎負責做療程果個人夠唔夠經驗啦! 小TIPS: 打斑其實唔洗全面卸妝,可以留返眼妝,因為打激光係唔會打近眼位㗎! 呢個冰川透肌療程另一賣點係會用一歐洲保濕之皇Etre Belle嘅精華打底,再打PICO, 喺打嘅過程中,精華液會被打入肌膚嘅底層。 由洗面開始,到爽膚、面霜、眼霜、防晒等等都會用PERLESUISSE 嘅護膚產品! 即係喺打PICO前後都不斷為肌膚泵入營養及三重透明質酸,有助打完laser 後嘅極缺水肌膚。 打完PICO 後會敷上Etre Belle嘅面膜,做到舒緩/保濕/降溫。 體驗總結: 打 PICO 嘅感覺同我之前打 c6/c8 差唔多,打低能量嘅完全唔覺痛,打完一啲紅都冇(除咗我自己本身都會紅嘅位置)。 我係一位治療師幫我打嘅,所以能量會較低;能量高嘅療程會係由醫生打嘅。 既然能量低,就一定唔會痛啦!但我都喺度諗,如果高能量先見效, 又會唔會好似c6 果啲咁痛呢?? 好想知 Hmm,預咗做一次唔會有咩去斑效果啦,不過做下嫩膚,收下毛孔咁都好吖~ 打完激光後都係要注意保濕,搽防曬呀,同埋唔好走去曬太陽! ^^