今次講下三款假睫毛,都係軟梗款,相比起硬梗款… 佢好易痴得實~ 頭頭尾尾唔會咁易彈出嚟! 每盒都係 around 20蚊, 淘寶或旺中都買得到. 1)中長款,最長果part係 0.9cm,係好自然,如果見到實物嘅話,你可能會嫌佢唔夠長… 不過上眼已經幫到好多,雙眼即刻有神返,同埋人哋近睇妳都未必知係假睫! 2)呢款係交叉款,唔算太黑或濃密,係望落都幾長,係尾長款! 戴上後雙眼係靚咗! 上鏡睇都幾靚,但真人近睇會覺得都好長~ 3)呢款咁黑比較濃密嘅… 係我打算化舞台妝嘅時候用嘅,上鏡睇會明顯啲同sharp啲。 見真人戴嘅話就可能會誇少少,不過夜晚party 或影相多嘅場合戴都唔錯! 翹起靚靚~ 雖然有時假睫嘅長短會有少少不一,要自己配對或裁下,但戴上眼唔會好覺啦~