來到春天, 美妝護膚產品又係時候轉季喇! Paul & Joe 為2016 春季帶來一支全能 primer - Protecting Foundation Primer S, 具修飾遮瑕柔膚兼保護功能! 另外當然唔少得一盒絲絨透肌蜜粉 - Silky Pressed Powder 作定妝/補妝之用~ 每次洗完面, 就要搽 toner + moisturizer. 每日出街都一定要搽防曬. 另外如果搽粉底嘅話, 最好就先搽 primer 來保護肌膚+修飾毛孔. 搽搽下好似越多越多嘢要搽咁! 夏天咁焗仲要搽咁多嘢, 救命~~ Paul & Joe's Protecting Foundation Primer S to the rescue!! Protecting Foundation Primer S SPF42 PA+++ (皇牌隔離霜之新升級版) 高效防曬妝前隔離霜 容量: 30ml (HK$350 / 共2色) - 妝前隔離霜 - 高效防曬 SPF42 PA+++, 能阻隔紫外線UVA及UVB - 撫平肌膚凹凸嘅毛孔 - 含高效保濕的橙花水, 有效控制油脂分泌 - 含3 種具特強保濕功效嘅透明質酸, 不同結構大小, 可深入肌膚不同層面, 達長效保濕 (乙醯透明質酸 / 透明質酸 / 水解透明質酸) 成份及功效： 乙醯透明質酸 Acetyl Hyaluronic Acid – 保濕 葡萄葉精華 Grape Leaf Extract – 保濕 透明質酸 Hyaluronic Acid – 保濕 水解透明質酸 Hydrolyzed Hyaluronic Acid – 保濕 荷荷芭油 Jojoba Seed Oil – 潤膚 橙花水 Orange Flower Water – 保濕 白百合精華 White Lily Extract – 保濕、防止肌膚過敏 當中含有嘅橙花水, 係甜甜哋又清新嘅香味~ - 具高度防曬, 但隔離霜嘅質感唔會厚重/黏膩, 反而好輕盈、薄透, 極易推開 - 有效遮蓋毛孔, 望落更光滑 - 肌膚透出自然健康嘅光澤 我試嘅係 Dragee - 01 色號, 略帶粉紅色調, 會令膚色更亮麗、更清澈. 另外 Miel - 02 色號, 就略帶橙色調, 改善沉淺不勻膚色, 令肌膚顯得清新自然. 雖然市面上防曬+遮毛孔嘅隔離霜產品都唔少, Paul & Joe 呢隻係特別在佢嘅多種獨特保濕成份. 夏天嘅話真係可以唔洗搽面霜, 拍上toner就直接搽佢就得喇. 一支已做到保濕 + 防曬 + 遮毛孔 + 控油+ 隔離 + 提亮. 強! 個底打得好, 之後嘅彩妝都會貼啲更持久! 限量產品 Silky Pressed Powder SPF25 PA++ 絲絨透肌蜜粉餅 容量:11g (HK$450 / 共2色) 以手繪風格圖案設計嘅限量版肌蜜粉餅, 特別配上索繩袋仔, 方便攜帶. 造型好eye catching, 特別適合夏日拎出街曬一曬呀! haa~ - 半透明蜜粉, 蜜粉能折射光線, 肌膚顯得光滑無瑕 - 含滋潤成份, 防止肌膚乾燥嘅同時, 更有助杜絕油光及防止肌膚變得暗沉 (葵花籽油、迷迭香精華、荷荷芭油等滋潤成份) - Secret d'Or 閃金配方及 Clear Plate Powder 透明薄片微粒, 為肌膚提升光澤及晶瑩感 - 內附好可愛嘅蓬鬆粉撲, 效果幼滑輕盈 粉盒唯一可挑剔嘅係佢嘅設計係冇隔開到個粉撲, 只得一塊膠片. 成份及功效： 透明質酸 Hyaluronic Acid – 保濕 荷荷芭油 Jojoba Seed Oil – 潤膚 微晶纖維 Microcrystalline Cellulose – 吸收油脂分泌 橙花水 Orange Flower Water – 保濕 迷迭香精華 Rosemary Extract – 潤膚 葵花籽油 Sunflower Oil – 潤膚 白百合精華 White Lily Extract – 保濕、防止肌膚過敏 設有淺粉紅色(001)及百搭嘅米黃色調(002). 001 - 為肌膚帶來粉嫩透明感 002 - 能打造自然妝感, 能配襯任何膚色 beautyisQueen 一般都會較喜歡 001~ 當然同時亦想試埋 002! haa 雖然係蜜粉, 但原來都添加咗獨特嘅保濕潤膚成份. 另外同時亦含有效吸收油脂分泌嘅成份, 即時踢走黏膩感, 響潮濕嘅天氣底下, 真係必需的. 用上蜜粉後, 肌膚望落更滑溜無瑕! 肌膚細緻得多, 真係無敵呀~~ 產品由品牌提供
