之前買左innisfree既超級火山泥面膜，送左好多samples 呢個就係當然既其中一樣產品喇! 話就話sample，小編用左成個月都未用哂 XD 呢隻innisfree既orchid enriched cream既賣點係可以去暗啞、抗氧化同埋保濕 佢既質地唔算好結身，係偏向水潤既cream 搽上手你可以見到佢既質地比較水潤 小編係油性皮膚，但可能依家係秋季，又唔覺得佢過潤~ 只係薄薄地上一層已經好夠 但係夏天既話 小編就建議油肌既sis簡返佢既orchid gel cream喇(蘭花全效修護啫喱面霜)，佢係更清爽既~ 效果方面，抗皺紋果啲小編暫時未有需要用到，所以好難知道佢既功效如何 以cream黎講，小編都幾滿意佢既效果 首先佢既滋潤度對小編黎講岩岩好，用完之後成日塊面都唔會乾，持久度都唔錯 而且用完佢之後再上妝，係唔會有擦膠碎既~ 所以小編冬天應該都會用佢 (準備購入) 夏天就會轉返比較清爽既cream囉~ 希望以上既review對sis們有用啦! 以上分享只屬個人感受，用後感及效果可因不同膚質或略有差異，而效果乃因人而異，如需協助或獲得更多產品資訊, 請直接聯絡該品牌查詢或∕和尋求相關專業意見。
