小編近來買左Innisfree既Super Volcanic Pore Clay Mask 濟州火山泥毛孔清潔面膜~ 之前上網聽好多人話好用 終於買左黎試試佢係咪真係咁好用! 佢有兩個版本，一個係mousse狀，一個係泥狀既~ mousse狀果隻既容量都係100ml，店員話會好推啲 而clay狀係$110 好似師奶一樣咁精明既小編梗係買clay狀啦 (奸笑)~ 打開你會見到佢入面既野係好結身既泥狀，偏灰白色既 本身有點擔心泥狀會較難推 但其實完全冇問題，好用易推 小編將佢敷喺T字位、下巴、兩邊毛孔較粗既面額範圍 (怕羞) 佢係用超級火山泥粒子去幫我地溫和去角質同埋清潔毛孔~ 同埋佢可以幫我地清潔毛孔~ 搽上塊面後有點涼涼地既感覺~ 敷10至15分鐘就可以洗走 之後一定一定要保濕，唔係就會好乾架喇 洗完深層清潔面膜之後，小編感覺皮膚無咁暗沉，好似光左少少咁 而佢既收細毛孔功效都幾顯著的 小編用左大約一個星期，覺得黑頭少左啲 但因為係深層清潔面膜，佢既去黑頭粉刺既效果一定無平時啲專去黑頭產品咁快 (豬鼻貼、黑頭導出面膜…) 小編其實超期待呢款面膜，因為一直想用一個比較溫和既方法去清潔皮膚~ sis們記住耐心等候小編試多一排後既用後感囉~ 但暫時黎講小編都好滿意呢塊深層清潔面膜~ 好用! 希望以上既分享對你地有用啦! 遲d會有更多innisfree review (join左做會員，送左好多sample比小編) sis們記住留意喇! products list: Innisfree Super Volcanic Pore Clay Mask 超級火山泥毛孔清潔面膜 $110 以上分享只屬個人感受，用後感及效果可因不同膚質或略有差異，而效果乃因人而異, 如需協助或獲得更多產品資訊, 請直接聯絡該品牌查詢或∕和尋求相關專業意見。
